Dizionari de Lenghe Furlane

impaçâsi  im|pa|çâ|si  [AF]

1. v.pron.intr. jentrâ in cuistions li che no si varès di jentrâ, metisi tra dôs o plui personis:  "Impaçaitsi tai vuestris afârs, vô!" (Bruno Paolo Pellarini, Amôr in canoniche); chê sdrume grise che no si impace mai, che e à miôr di no pensâ, che e dîs che no son fats siei, baste dome no vê fastidis di sorte (Angelo Floramo, Cuintristorie dal Nûfcent 1920-1930)
   Sin. intrigâsi , intrometisi , inframetisi , metisi , cjaçâsi , jentrâ , meti il nâs , meti la pecete , imbragâsi , impeolâsi , impetolâsi , meti il bec
2. v.pron.intr. vê a ce fâ cun cdn. o cun alc:  "Ce ti impacistu cun Gjelindo? Al è un puar stupidat." (Gianni Gregoricchio, Îr e doman)
   
   1. vê relazions sessuâls cun cdn.:  [Modestute, une fantate pidimentade] e spietave un frut! «Cui jerial chel nemâl che si jere impaçât cun jê?» «Nome un disgraciât, une bestie… cun tantis feminis che a son!» (Pieri Menis, Cui si jerial impaçât cun Modestute?)

Proverbis:

• a impaçâsi cui fruts, si fâs lis mans di mierde
• a impaçâsi cun canaie, la mignestre e pie di fum
• a impaçâsi cun canaie, si piert dute la virtût
• a impaçâsi cun mus, si vanze pêts e scalçs
• cui che al spude in face, il Signôr no si impace
• cui che nol cjale in face, nancje il Signôr no si impace
• injù ogni sant jude; insù nissun no si impace
• ni cun mats ni cun baraçs no bisugne impaçâsi
• no bisugne impaçâsi dai fats dai altris che si à avonde di viodi dai siei
• pluitost che cu lis feminis al è miôr impaçâsi cul diaul
• vuai a impaçâsi cui predis