intervignî
in|ter|vi|gnî
[CO]
-
v.tr.
fâ alc intun event o intune situazion par cirî di modificâle:
la direzion de radio no interven intes sieltis de redazion musicâl, e je la massime libertât (Max Mauro, Un Friûl difarent: i 90 mhz di Onde Furlane);
o pierdi timp a tentâ di scjafoiâ lis consecuencis o tirâ sù lis maniis e intervignî cun coragjo e cun continuitât su lis causis (Riedo Pup, Delincuents si devente)
Sin. agjî
-
sport
tal balon, cirî di cjapâ la bale:
il puartîr vert e neri al interven e al tocje la bale, che ae fin e sbat sul pâl (Marc Stolf, Vicenza - Pordenone 1-1)
Sin. jentrâ
-
v.intr.
jessi presint di persone:
al è stât content de int di Gargagnà Disore, che in chestis fiestis e je «intervignude cun insolite frecuence a dutes les funzions» dissal lui, tal so dialet (Josef Marchet, Lis predicjis dal muini)
Sin. assisti
, cjapâ part
, jessi presint
, partecipâ
, vignî
-
fâ savê une opinion o domandâ alc intune discussion o ancje fâ un discors formâl:
cumò al intervignì Tite: "Ma la frute ise contente? Acetie di lassâ i siei e vignî vie cun te? […]" (Roberto Ongaro, Il muc)
Sin. fevelâ
, tabaiâ
, cjacarâ
, dî
-
v.intr.
fâ une azion armade, partecipâ a un conflit:
par parâju vie [i vuerilîrs di al-Qaeda dal Maghreb Islamic] al jere cussì intervignût ancje l’esercit francês cu la poie di diviers stâts africans (Carli Pup, Azawad: manifestazion de diaspore a Parîs pal autoguvier)
-
v.intr.
fâ un intervent chirurgjic:
o ai scugnût intervignî suntune sô vene pôcs dîs prime che al murìs (Christian Romanin, Amato De Monte: Il Friûl, patrie des bataiis di civiltât)
Sin. operâ