assisti
/-ìs-/
a|ssis|ti
[AF]
-
v.intr.
jessi presint a di un fat, a di un spetacul e v.i.:
e veve imprometût a Matie che e sarès lade ancje jê in paîs par assisti ae cerimonie de consegne de medaie a lui (Pieri Menis, Sul agâr)
Sin. jessi1
Cfr. viodi
, sintî
-
v.tr., v.intr.
dâ un jutori:
jo no dîs, che un predi nol vebi di assisti, di judâ, di conseâ la puare int (Josef Marchet, Lis predicjis dal muini);
e covente une gnove mission internazionâl par assisti il guvier gjaponês tal disvilup di un gnûf sisteme di regulis pe sigurece nucleâr (Alessandro Pascolini, Il disastri de centrâl nucleâr di Fukushima Dai-ichi);
pree che il Signôr nus assisti e nus vuardi di mâl… (Pieri Menis, Cjasute dai ricuarts)
Sin. dâ une man
, judâ
, socori
, sostignî
-
viodi di cdn. che al è malât o no autosuficient:
sô madone si jere malade di mâl di fiât e jê par un an a lunc le assistè come che e fos stade sô mari (Pieri Somede dai Marcs, A jerin lagrimis);
la none e rive, e viôt dai fruts, ju jude a fâ i compits, ur lei o ur conte lis flabis e ju assist se a àn cualchi malstâ (Riedo Pup, Nonos e nonis a nauli)
Sin. curâ
, viodi
, stâ daûr
, tignî a ments
-
v.tr.
judâ cdn. tal esercizi de sô funzion:
i scrutinadôrs a assistin il president dal consei intal scrutini dai vôts e cun lui a controlin il risultât des votazions (Aministrazion Publiche, Regolament dal Consei Comunâl dal Comun di Udin)
Sin. colaborâ
, judâ