Dizionari de Lenghe Furlane

colaborâ  co|la|bo|râ  [CO]

1. v.intr. lavorâ intune cun altris par rivâ a di un stes fin:  in dutis lis societâts a valin regulis par une armoniose convivence. E cussì ancje in famee, dulà che ducj i components a àn di judâsi e di colaborâ in cjase (AAVV, Sul florî)
   Sin. lavorâ insiemi , lavorâ intun , lavorâ parie
2. v.intr. judâ cdn. a rivâ a un ciert fin:  mi visi cun ce entusiasim che la int di Coder e cirive di colaborâ ae idee di pari Turoldo di zirâ un film su la vite dai contadins in Friûl intai agns '30 (Cristina Cescutti, Poet dal paisaç)
   Sin. cooperâ , dâ une man , judâ
   
   1. judâ une autoritât a puartâ indevant une ativitât:  colaborâ cu la magjistradure e cui orghins di repression (Luche Nazzi, Tes grifis de ecomafie)
   2. judâ une fuarce di ocupazion foreste o calcolade ilegjitime:  tancj a van indevant a calcolâ i domobranci, par vie de lôr sielte di colaborâ cul invasôr todesc, traditôrs nazionâi (Tjaša Gruden, Revisionisim storic tal aniversari dai ‘domobranci’, ricuardâts a Rovte)
3. v.intr. vê vôs intun mieç di comunicazion mantignint però une cierte autonomie, ancje restant une figure esterne rispiet ae redazion:  i scrits a son tirâts fûr dai gjornai o rivistis dulà che Macôr al à vût colaborât ("Voce Isontina", "Iniziativa Isontina", "Studi goriziani"…) o di libris publicâts (Laurin Zuan Nardin, Tal cûr dal Friûl orientâl)