Dizionari de Lenghe Furlane

judâ  ju|dâ  [FO]

1. v.tr. fâ in maniere che cdn. al rivi a fâ alc, o a fâlu miôr e cun mancul fadie, o fâ in maniere che al stedi miôr:  dâ di mangjâ, judâ tun lavôr, assisti tune bisugne o tune malatie, insegnâ a cui che nol sa, chês a son caritâts (Riedo Pup, I furlans e la caritât); ju fasè jentrâ, ur de di cene, e ju metè a durmî sul toblât, a pat che tal indoman le judassin a bati [il forment] (Catarine Percude, Il prin sarasin); mandimi une letare e judimi a capî, a capîti, prin che al sedi masse tart pardabon (Enrico Martina, Ricuarts e inlusions); Luzio, anime mê! Oh! Signôr judaitmi… Luziut benedet no stâ murî, ah! Ce aio fat mai me!… (Pieri Somede dai Marcs, Al fresc)
   Sin. favorî , parâ , prudelâ , sovignî , tignî man , dâ une man , assisti , coadiuvâ
   Var. udâ , aiudâ
   
   1. fâ in maniere che alc al ledi ben, al sedi just, al sucedi te maniere e te misure juste:  la siore e saveve meti dongje ben la robe [di mangjâ]; cun cundizion e misure e po, ben planchin, messedâle cu la cjace di len e, atente, judâ il fûc (Maria Forte, Cjase di Dalban); si fermave a judâ il flât (Maria Forte, Il tei); il comissari al vûl che si judi la leç (Alviero Negro, Int di masnade)
   2. cul subiet che al pues jessi une situazion, une ativitât, un element inanimât e v.i., jessi favorevul:  la ativitât fisiche e jude a rinfuarçâ la struture e la funzion dai vues e dai muscui (Guglielmo Pitzalis, Ocjo ai vues!); lis fueis che a sabulivin par tiere, ancje lôr a judavin la umiditât (Carlo Sgorlon, Prime di sere)
   3. ancje cun costruzions a sens, dulà che l'obiet sintatic nol è il destinatari dal benefici che si cîr di dâ:  si po crodi che ancje il guvier talian di cumò al ciri di fâ miôr che al po par judâ lis cent mil dibisugnis di cheste biade nazion (Josef Marchet, Di vicin e di lontan); judimi sù il sac (Giulio Andrea Pirona, Ercole Carletti, Giovanni Battista Corgnali, Il Nuovo Pirona)

Polirematichis e espressions idiomatichis

• che Diu nus judi loc.adi.inv.

Proverbis:

• conseis di viei a judin i zovins
• cui che si jude ancje Diu lu jude
• di rive jù ducj i sants a judin
• e je caritât tant a judâ cui che al vûl fâ robe, come a dâi un poc a cui che al vûl lâ in malore
• grant sant che al è sant jude, pecjât che in chest mont si lasse viodi di râr
• il diaul al jude i siei
• il flôr tal cjamp, lu jude ogni sant; l'om tal mont, Diu lu jude ogni tant
• il sorc tal cjamp bisugne che lu judi ogni sant
• in chest mont dut al jude
• injù ogni sant jude; insù nissun no si impace
• jude cui che al à voie di fâ ben e cui che al vûl lâ in malore judilu a strucjâ
• juditi tu che ti judarai ancje jo
• la fortune e jude cui che le tente
• Sant Simon e jude la rave a ven madure, madure o no madure, si le met sot sieradure
• se a 'nt fos, se a 'nd ves, se a 'nt sarès a son trê sants che no judin
• se a 'nt fos, se a 'nt sarès e se a 'nd jere, a son trê sants che no judin