favorî
fa|vo|rî
[FO]
-
v.tr.
meti intune posizion di vantaç, fâ stâ miôr:
la decision di bati la aste par fitâ ancje chescj [tocs di comugne], e favorive i siôrs e a discapit dai puars (Alviero Negro, Int di masnade);
al fevele une vore ben de ospitalitât dai conts di Gurize, al scrîf che a fasevin ducj a gare tal favorîlu e tal beneficâlu (Pierluigi Visintin, Friûl e furlans te Histoire de ma vie di Giacomo Casanova);
in cuant a lui, la furtuna lu favoriva a pena da no lassâlu murî di fam (Zuan Luîs Filli, Il diau sul Studeniz)
Sin. assisti
, facilitâ
, judâ
, parâ
, privilegjâ
, protezi
, prudelâ
, secondâ
, socori
, sostignî
, sburtâ
-
v.tr.
considerâ miôr rispiet a altris:
il reclutament in Italie al cîr di favorî l'ingai di lavoradôrs racomandâts de Glesie catoliche e duncje cristians, "considerâts plui sometûts e mancul esigjents" e osserve Anne Morelli (Francesco Micelli, La emigrazion dal Friûl - Vignesie Julie te Belgjiche)
Sin. selezionâ
, sielzi
, vê miôr
, preferî
-
v.tr.
creâ cundizions positivis:
al è di favorî in Friûl l'invistiment di capitâi che forsit il nestri Stât talian nol à (Francesc Placerean, Nadâl nus fâs capî che la storie e je plui profonde e biele di chel che e somee);
al è ancje impuartant favorî il scambi e il confront jenfri docents (Patrizia Pavatti, La tutele de lenghe furlane a scuele)
Sin. avantazâ
, judâ
, poiâ
, prudelâ
, sostignî
, secondâ
, facilitâ
, sburtâ
-
v.tr.
[BF]
dâ alc par fâlu viodi, par fâlu cognossi:
"Dotôr, che al mi favorissi, lu prei, un moment chel canocjâl. El è propi chel... eco la dediche... che al lei, lustrissin" (Bepo Marion, Il canocjâl de contesse)
Sin. presentâ
, esibî
, mostrâ