presentâ
pre|sen|tâ
[FO]
-
v.tr.
fâ cognossi cdn. a cdn. altri o a plui di lôr:
tal afâr di une setemane, mi veve presentât a ducj i siei amîs (Antoni Beline, Pre Pitin);
il perît al presentà Eliseo a trê cuatri operaris che a jerin li vicin, e ur disè di mostrâi ce che al veve di fâ (Carlo Sgorlon, Prime di sere)
Sin. fâ cognossi
-
v.tr.
fâ cognossi, fâ viodi al public midiant di cerimoniis uficiâls, incuintris, conferencis e v.i.:
o soi lât ator intune vore di paîs dal Friûl par presentâ il libri e cussì o ai vût mût di sintî di prime man ce che la int furlane e pense (Franc Fari, Il cjâf dai furlans)
Sin. fâ cognossi
, mostrâ
-
v.tr.
condusi une manifestazion, un spetacul:
al presentarà la serade [dal concierton di Suns], pal secont an di file, Doro Gjat (Redazion La Vita Cattolica, Il Covid 19 nol ferme Suns Europe)
Sin. condusi
, puartâ indenant
, rezi
, tignî in pîts
-
v.tr.
someti ae atenzion, valutazion, aprovazion e v.i. di cdn. o di un orghin colegjâl o istituzionâl o sim.:
in chest articul noaltris o presentarìn lis proprietâts di base dai neurons spieli intai primâts no umans e intal om, daspò o presentarìn une teorie di disvilup dal lengaç che e je in relazion cu lis proprietâts dai neurons spieli (Giacomo Rizzolatti, Laila Craighero, Speculazions su la origjin dal lengaç);
la Zonte regjonâl e je clamade a presentâ ogni an une relazion in Consei sui progrès inte metude in vore de leç (Carli Pup, Sot atac l'avignî de lenghe furlane)
Sin. descrivi
, pandi
, esplicâ
, spiegâ
-
vê ciertis carateristichis, formis, elements e v.i. che a son clârs o interessants o impuartants par cui che ju note, valute, judiche e v.i.:
la dogmatiche religjose o metafisiche e presente afermazions che a restin fûr di ogni verifiche positive (Josef Marchet, La unitât cuintri la unitât);
lis dôs formazions a presentin cualchi novitât rispiet ae penultime di campionât (Marc Stolf, Sassuolo - Udinese 0-1)
-
v.tr.
fâ vê ae autoritât un document, une domande e v.i., par che al sedi verificât, tignût in cont, par che al judi a inviâ une procedure o sim.:
l'om i spieghe che al à intenzion di presentâ une domande di pension di vuere pe femine, e che par chel i covente la cjarte (Meni Ucel, Dirits);
o vevi presentadis sedi denunziis penâls sedi denunziis civîls (Christian Romanin, Amato De Monte: Il Friûl, patrie des bataiis di civiltât)
Sin. fâ
, puartâ