pandi
pan|di
[AF]
-
v.tr.
fâ savê ator, spec. che cdn. al à fat alc che nol volarès fâ savê:
antigaiis, mufis, balis, che par solit a servissin nome a scuindi sot vie altris interès che no van pandûts (Josef Marchet, Preambul rusin);
a cui che i pandeve che la Malie se intindeve cun Melio e che i faseve cuars su cuars al so om, al diseve: «Ma parcè pensâ mâl?» (Meni Ucel, Pensâ mâl);
se tu âs cûr di pandimi, ti sfracassi i ombui! (Dino Virgili, La aghe da pît la cleve)
Sin. tradî
, palesâ
, dî ator
, spampanâ
-
v.tr.
ancje cun subiet inanimât, fâ viodi, fâ che alc al sedi clâr:
al fevelave cuntune vôs pastose che e pandeve la bontât dal so cûr (Pieri Somede dai Marcs, Fra Silvio);
si capive che i veve plasût la tace e l'aspiet di strissindul al pandeve une vite stuarte e straçone (Maria Forte, Cjase di Dalban)
Sin. mostrâ
, dî
, spiâ
, palesâ
-
v.tr.
fâ capî, comunicâ, esprimi cun clarece:
invezit di pandi il gno pinsîr, o vevi suspirât. (Gianni Gregoricchio, Trê feminis);
nol pandeve, cun peraulis, il so displasê e al stave te sô part suturne come rassegnât (Maria Forte, La tiere di Lansing)
Sin. spiâ
, mostrâ
, vierzi
, scuvierzi
, manifestâ
, meti fûr
, dâ fûr
, dî fûr
, butâ fûr
, palesâ
Proverbis:
- Diu al è un bon infant, al viôt e nol pant, al paie ducj e no si sa cuant
- il cjoc al pant la veretât
- no covente pandii al gjat la puarte de cjanive
- si pant il pecjât ma no il pecjadôr