palesâ
pa|le|sâ
[AF]
-
v.tr.
dî a altris, fâ savê a cdn. o fâ savê ator, soredut alc di risiervât:
il nestri zovin al si decidè a viarzi il so cûr a di chê frute, e al i palesà il so amôr (Zuan Lurinçon, La Madalene);
sin a la publicazion de la sentença, a norma del prestât zurament, devi restâ dut chel ce che ven concludût nel Consei di vuera secret, e se cualchidun al palesa cualchi cjossa avant del predit timp, al sarà cjastiât severamentri (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. pandi
, confidâ
, confessâ
, spiâ
, mostrâ
, vierzi
, scuvierzi
, manifestâ
, meti fûr
, dâ fûr
, dî fûr
, butâ fûr
-
v.tr.
ancje cun subiet inanimât, fâ viodi, fâ che alc al sedi clâr:
cenonè, dopo un grant travaiâsi, un lamp gji palesa un rialç come in forma di rapâr, pôc lontan di lôr (Federigo Comelli, Il me paîs);
la muse ingrintade che e palesave dolôr (Amedeo Giacomini, Tal ospedâl);
al someave zovin, cjavei neris, sec di personâl, un movisi a scats. E pûr al veve intorsi alc che al palesave la vecjaie (Alan Brusini, Gian Paolo Linda, I forescj)
Sin. mostrâ
, pandi
Proverbis:
- i sîs ultins dîs dal an e i sîs prins a palesin i mês
- il cjamp plen di jerbaç e il prât grintôs a palesin il paron oziôs
- il cjamp plen di jerbatis e il prât grintôs a palesin il paron oziôs
- sborf madrac palese