spiâ
spi|â
[AF]
-
v.tr.
tignî controlât di scuindon cdn. par savê ce che al fâs cence fâsi inacuarzi:
vuê a la fin sin al sigûr, / che nissun nus ten daûr / par spiâ dulà che lin, / par scoltâ ce che disìn (Pieri Çorut, Pronostic dal Strolic piçul par l'an 1867);
a savevin che done Pine ju spiave, che e cirive di savê chel che si disevin (Pieri Menis, Chei di Muraie)
-
v.tr.
(ancje ass.)
fâ savê alc di segret o di risiervât:
il Patriarcje bizantin di Grau, Zuan, savude la cjosse, al spià dut al pape Adrian e il pape al visà Carli (Josef Marchet, Cuintristorie dal Friûl fin sot la Italie);
al jere nome il capelan daûr l'altâr che lu veve viodût e sintût; ma chel bon predi nol spià mai il fat a dinissun (Riedo Pup, I furlans e lis sagris)
-
ancje di alc di inanimât o cuntun subiet involontari, fâ capî alc di segret di cdn.:
biât Pauli! Al veve fat cussì parcè che nol saveve che o vevin rivât adore di puartâ vie dut; al veve pôre che al fos restât alc a spiâ di nô (Maria Forte, Cjase di Dalban)
-
v.tr.
rivâ a scuvierzi cjalant alc, soredut se al è un pôc platât:
e veve cjalât so fi par spiâ ce sintiments che a jerin daûr di chê domande (Gianni Gregoricchio, Îr e doman);
e trame e trame chê frute come une parussule inglaçade da zulugne e ti spie cualchi bucugnut di alc e ce par parâ vie la fan (Dolfo Zorzut, Mi ûstu ben?)
-
v.tr.
cjalâ, indreçâ i voi cun atenzion:
i cor a cjasa par cjatâmi cun te / ti spii tai voi che a no domandin nuia (Andrea Dell'Orbo, Preiera par Tualias);
«O scuen propit partî, Leni» La femine lu spià cjalantlu tai voi e cence dî nuie, ma dentri si faseve scure come par un nûl che le umbrive (Maria Forte, La tiere di Lansing)
Sin. cjalâ
Cfr. viodi
, olmâ
, lumâ
, vualmâ
, lampâ
Proverbis:
- no si sa, e se si sa no si spie