lampâ
lam|pâ
[AF]
-
v.intr.
spec. impers., fâ lamps:
al lampe e al tone e la ploie e bat a bugadis sui veris (Pieri Somede dai Marcs, Un pugn di moscjis);
che al toni, che al lampi, che al tampiesti, che al nevei, nissun le ferme (Josef Marchet, Lis predicjis dal muini)
Sin. tarlupâ
-
mandâ lûs a intermitence:
il neon al lampave dôs o trê voltis e mi mostrave une stanzie gnove là che cinc o sîs taulis a jerin prontadis cu lis tavaiis parsore (Alan Brusini, Gian Paolo Linda, I forescj);
i voi dai fruts si incocalivin a smirâ chê maravee [lis faliscjis], al jere un sium par lôr chel viodilis a lampâ (Marisa Gregoris, La ultime faliscje);
pes ramadis largjis dal cafè al lampave il semafar zâl e si viodeve i cartei di une crosere di stradis (Agnul di Spere, L'avignî di Antoni Cossâr)
Sin. lampizâ
, lupâ
, lupiâ
Cfr. lusî
, cimiâ
, lusignâ
, risplendi
, sflandorâ
, slusî
, slusicâ
, slusignâ
, barlumâ
, vampâ
-
(fig.)
imparêsi imburît come un lamp:
il passât al lampe tai voi. Si fevelin. A cjaminin insiemi (Dino Virgili, La aghe da pît la cleve)
Sin. barlumâ
-
v.tr.
rivâ a percepî cui voi, soredut di buride, a la improvise, di scuindon e v.i.:
po no ti viodio trê militârs, che a trincavin come a gnocis! Cuant che mi lampin me, a molin lis tacis e a alcin lis mans. Po no jerino mucs! (Riedo Pup, L'armistizi dal '16);
Leni lu spietave scuindude daûr i veris di une puarte, ma no saltà fûr cuant che lu lampà fra la int (Maria Forte, La tiere di Lansing);
al spie dentri, e al lampe la Eline, bessole, in cusine. Al bat adasi cu lis aìnis tai veris, e la Eline e ven fûr su la puarte (Meni Ucel, Prioritâts)
Sin. lumâ
, olmâ
, vualmâ
, calumâ
, cjalâ iper.
, viodi iper.
, cucâ
, barlumâ
, vampâ
-
rivâ a percepî cul intelet, cu la intuizion:
al nas un dubi che al sponç e al sburte a cirî, a lampâ une altre spice di veretât e po une altre plui lusinte adalt, adalt (Pieri Piçul, Vieri e gnûf)