cucâ
cu|câ
[AF]
-
v.tr.
(ancje ass.)
viodi o cjalâ, spec. di lontan o di sorprese o a la svelte o di scuindon o sim.:
«Al ven! Al ven!», a sberghelavin ogni tant chei mostacjins: e dute la int e tirave il cuel par cucâ insom de strade (Pieri Menis, Il fiâr dal plevan);
"Tuc, tuc." "Cui è là?" "Meni Fari." "Une buine fiube!" al disè Sant Pieri, cucant pe sfese dal porton (Luigi Gortani, Meni Fari)
Sin. calumâ
, lupâ
, cjalâ
, lumâ
, olmâ
, vualmâ
, viodi
, spiâ
-
v.tr.
cjatâ o cjapâ, ancje di sorprese o cuintri de volontât di cui che al ven cjatât:
fermiti un lamp, copari Ustin. Biade la ore che o ti ai cucât! O ai volontât di dîti alc (Josef Marchet, Lis predicjis dal muini);
se tu vâs a cjace e che tu âs chê di gafâ un agnel, tu ti metis daûr di une cise, tu bebeis, beeeh, beeeh, e chel, pensant che e sedi sô mari, ti ven dongje e tu, sgnaf, tu lu cuchis (Fabian Ros, Il lôf)
Sin. becâ
-
vê alc daûr di un merit, tant che une paie, un premi o ancje un cjastì, une consecuence e v.i.:
dut chest davoi par 30 milions! Cun ce che al cuche un PDGj in dì di vuê (Fabian Ros, La rambe)
Sin. cucâsi
, cjapâ
, becâ
, becâsi
-
v.intr.
(fig.)
movisi vignint fûr di alc che al taponave, tacâ a jessi viodût:
al jere Avrîl, che sui prâts a cucavin pestelacs e pinsîrs (Josef Marchet, Lis predicjis dal muini);
la tiere e mostre la anime scure; nancje une ponte di vert e cuche, nancje un bâr di tale le sbuse (Giuliana Pellegrini, Tite, classe 1924);
ma za il soreli, che in levant al cuche, / difûr al è vignût cun dut il nâs (Pieri Çorut, Il lôf di Luncjamp)
Sin. dâ sù
, vignî sù
, vignî fûr
-
jessi intune posizion o intune cuantitât che e da infûr, di mût di jessi viodût:
tal foladôr il brentiel su la taie al è rassât, i raps a cuchin fûr dal orli (Dino Virgili, La aghe da pît la cleve);
e jù a sgrasaiâ di ridi, cui dincj fraits che a cucavin sot des mostacjonis (Raffaele Serafini, B123ST)
-
jessi viodût jenfri vie o in trasparence:
la lune e cucave jenfri i ramaçs dai arbui (Checo Tam, La vuere di Checo)
Sin. ridi
, cimiâ