vignî fûr
[FO]
-
loc.v.
vignî de bande esterne di alc di sierât o limitât o parât o definît:
il mulinâr juste in pont al vignive fûr de puarte par judâlu a scjariâ (Luigi Gortani, Il matescul di Cjabie);
Bernart al veve viodût Laurinç che al vignive fûr di un bar (Agnul di Spere, Frêt);
o jerin jo e Laura tal mâr ma aromai al jere tart, o vignìn fûr de aghe (Mario Beltramini, Jo e Graziella)
Sin. jessî
Cfr. saltâ fûr
, lâ fûr
-
(ancje ass., par anton.)
jessî de cjase:
il paîs intîr al jere vignût fûr e ducj a vevin ce domandâmi (Pieri Menis, Il gno prin pâr di scarpis)
-
(ancje ass.)
di aghe, lâ fûr dai arzins:
a àn fat un altri munistîr di feminis a Salt di Paulêt, che al è scomparît parcè che e je vignude fûr la Tor e lu à menât vie (Francesc Placerean, La nestre storie)
-
rivâ intun puest che si pues calcolâ plui viert o plui grant o plui impuartant:
veva dissidût di cambiâ strada e di lâ jù pai cjamps (via Grabiz) par vignî fûr a Sant Roc (Ranieri Mario Cossâr, Sensili e i doi fraris)
-
ancje di strade, troi e v.i., puartâ intun puest che si pues calcolâ plui viert o plui grant o plui impuartant:
la ferade […] e veve di vignî fûr de citât, sù pal pasc de Tombate, rivâ sul flum, in bande dal Borc de Roste, e passâ di là da la aghe cuntun puint e po fûr te Stradegnove (Dino Virgili, La aghe da pît la cleve)
-
bandonâ une compagnie, une comunitât, une organizazion e v.i.:
"E parcè sêstu vignût fûr di seminari?" "Parcè che no varès nancje vût di lâ dentri" (Jolanda Mazzon, Di là de rêt)
-
finî une dade di timp, une esperience, une formazion e v.i.:
"Doro, dopo vignût fûr de naie, varessistu intenzion di maridâti?" (Gianni Gregoricchio, Îr e doman)
-
loc.v.
jessî di une situazion dificile, pericolose o displasevule:
l'avocat lu sconzurave di stâ ben atent a ce che al diseve al judiç, par no vignî fûr di chê cause cence un carantan (Agnul di Spere, Frêt);
fruts tirâts sù cussì a vivevin contents. A cressevin pronts a frontâ e a vignî fûr di ogni dificoltât (Riedo Pup, I furlans e i frutins)
Sin. puartâle fûr
, puartâse fûr
, salvâsi
, scjampâ
, scjampâle
, suiâsi
, tirâse fûr
-
loc.v.
vê une forme, une disposizion, une direzion che a fasin une prominence rispiet a une linie o a une superficie:
sul cjanton de casarme al vignive fûr il braç dal ferâl che, vie pe gnot, al iluminave la beorcje (Dino Virgili, La aghe da pît la cleve);
si rivave suntun cuel vert che al vignive fûr dal Gam Spitz (Pieri Menis, Funerâl a Pâl Piçul)
Sin. dâ infûr
, jessî
-
loc.v.
jessi pandût o cognossût:
e dome cumò il segret di agnorums al ven fûr tal soreli (Dino Virgili, La aghe da pît la cleve);
e jere vignude fûr dute la veretât sul fat subit dopo; Mariute no voleve sposâ so cugnât vedul, ma done Pine la veve obleade cence remission (Pieri Menis, Chei di Muraie)
Sin. saltâ fûr
-
loc.v.
jessi dit, jessi pronunziât:
ce sodisfazion che al veve gjoldude a scoltâ i "sì" che a jerin vignûts fûr di chês bocjis, magari framieç dai dincj (Gianni Gregoricchio, Îr e doman)
Sin. saltâ fûr
-
loc.v.
jessi publicât, jessi dât fûr:
Toni Baldin al à olût fâ vignî fûr chest librut e nome a lui o devi ricognossince se vuê el mio non nol è dismenteât in Furlanie (Arturo Feruglio, El cercandul e altris fufignis);
al jere un romanç che al fevelave dal Friûl, al jere vignût fûr di pôcs dîs (Agnul di Spere, In viaç di domenie)
Sin. saltâ fûr
, jessî
-
loc.v.
vê une origjin:
[la nuvice] ti puarte in dote un cûr / che l'è to par sigûr: / e ven fûr da un cjasât, / che par divise al à la fedeltât (Pieri Çorut, La mode);
[la peraule taliane "pipistrello"] e ven fûr dal latin vespertilio (Giovanni Frau, Peraulis in libertât: i atlants linguistics)
Sin. saltâ fûr
, vignî
Cfr. vignî sù
-
loc.v.
jessi il risultât o la consecuence di un resonament, di un procediment, di une dinamiche e v.i.:
se no mi ven fûr un lavôr come cu va, mi pâr simpri di robâ la palanche al gno prossim (Josef Marchet, Lis predicjis dal muini);
lis robis a vegnin fatis masse a la svelte e dopo al ven fûr ce che al ven fûr (Pieri Somede dai Marcs, L'avocat e la luianie)
Sin. risultâ
, saltâ fûr
-
sucedi, capitâ, vignî a jessi:
Milie e jentrà in cjase che i tremavin lis gjambis tant di stentâ a stâ impins; ce dal diambar jerial vignût fûr? (Pieri Menis, Si disarès che e je inventade);
se a fossin vignudis fûr rognis, la colpe e sarès stade sô e al varès paiât lui (Roberto Ongaro, Il muc);
calât il vint, e jere vignude fûr une biele zornade (Jolanda Mazzon, Fûr di timp)
-
loc.v.
jessi gjavât a sorte o risultâ chel sielzût o chel che al vinç e v.i. in zûcs, lotariis, tombulis e v.i.:
te roulette, se al ven fûr il zero al vinç il banc
Sin. saltâ fûr
, vignî
-
loc.v.
di cundizion fisiche, malatie e v.i., tacâ a vê efiet, vê une manifestazion:
"O sin za avonde mâl sistemadis; guai se nus vegnin fûr i bruscs!" (Luciano Rocco, La foghere)
Cfr. vignî sù
-
loc.v.
fâsi notâ par cualchi cualitât, soredut positive, diferenziâsi e jessi miôr di altris:
nus plasarès une vore judâ cui che al à talent e sostignî i artiscj de nestre zone, stant che nus samee simpri un fregul plui dificil vignî fûr cuant che si è a stâ fûr des grandis citâts (Redazion Lenghe.net, Elisa e à un progjet: judâ i zovins musiciscj de regjon);
probabilmentri no je plui chê voie di vignî fûr, il spirt di sacrifici parcè che cumò a stan ducj ben e a cjapin la vite in maniere difarente (Christian Romanin, Dino Zoff: «O vin lidrîs buinis, o vin di tignîlis di cont»)
Sin. spicâ
, fâ spic
-
loc.v.
dî o contâ alc, soredut alc di particolâr, o mostrâ une intenzion, un desideri, une pretese, une idee e v.i., soredut cuntune cierte sorprese o strambetât:
co verin finît di sbasofiâ l'è vignût fûr cuntune flabe, tant di distraiju, e lassâur la bocje di un altri savôr (Giovanni Gortani, Un gustâ diplomatic);
"Al mi ven fûr cun ciartis pretesis…" (Ercole Carletti, Mariute);
co e veve provât a dîur alc, la vevin fate tasê: "Cumò si use ducj cussì, no stâ vignî fûr cu lis tôs ideis medievâls!" (Jolanda Mazzon, Fûr di timp)
Sin. saltâ fûr
Cfr. tirâ fûr
Components:
-
fûr
av., prep., inter., adi.inv., s.m.sing.
-
vignî
v.intr., v.aus.
Proverbis:
- cui che al ten dûr, il pagnut al ven fûr
- dai cjamins al ven fûr fum
- di une brute scarpe no vignarà mai fûr une biele çavate
- no bisugne fâ bausiis cun sperance che no vegnin fûr
- se nol plûf alc al ven fûr