Dizionari de Lenghe Furlane

suiâsi  su|iâ|si  [AF]

1. v.pron.intr. pierdi la umiditât, no jessi plui bagnât, sedi par une azion proprie che par efiet dal aiar, dal cjalt e v.i.:  si resentâ a zumieladis e po e spesseà a suiâsi (Maria Forte, Mabile la Lunghine); la blancjarie a suiâsi sul puiûl de bande dal curtîl (Alan Brusini, Come tai romançs)
   
   1. v.pron.intr., v.pron.tr. fâ in mût che nol sedi plui bagnât alc di se stes, par se stes o cun sens di reciprocitât:  la int a cjalavin chei zovins a suiâsi il cerneli cu la man (Dino Virgili, La aghe da pît la cleve); a jere saltade fûr di cjase suiantsi lis mans tal grumâl (Franca Mainardis, Il sium di Lissandri)
   2. v.pron.intr. gjavâ o fâ che nol sedi plui alc che al bagne, alc di umit:  suiâsi lis lagrimis (Arturo Feruglio, Viaç a Vignesie)
2. v.pron.intr. pierdi umiditât interne, deventâ sec, dûr:  cops o modons che Min al cjape par ordin a doi a doi e ju incasone cun pratiche tes stelazis a suiâsi in soreli (Ivano Urli, Storie di Min); finide la composizion, si à di spietâ che si sui la cole (Oscar Puntel, Mosaic, une art furlane)
   Sin. secjâsi , incandîsi , candîsi , arsîsi , disidratâsi , dissecjâsi
   
   1. di flum, lât, mâr, poç, poce e v.i. o sim., no vê plui aghe:  la aga a pissalava dai corevai sutîi che a coventava stâ un grant peç par implenâ li veri; ma no che a si suassin chê fantani nencja tal grant sut (Novella Cantarutti, Scarpeti); in chê stradate lis pocis no si jerin suiadis, anzit (Carlo Tolazzi, La salamandrie tal fûc)
   2. de aghe stesse, svaporâsi o sparî:  e jere une aghe stagne daûr a suiâsi, tal fonts di un cjadin dut cercenât di alturis (Carlo Sgorlon, Il dolfin)
3. v.pron.intr. di feride o sim., tacâ a sierâsi, a vuarî, no butâ plui fûr aghiç o materie:  i jere capitât che une plaie sul poleâr di un pît no rivave mai a suiâsi cun nissun onzint (Maria Forte, Il Bide di Miot)
   
   1. ancje di altris mâi, fermâsi, no jessi plui intune fase caraterizade di une presince o espulsion di licuits:  si lasse cjapâ di une brute mosse di cuarp […] fintremai che Diu al vûl che si sui e no mueri di chê (Ivano Urli, Storie di Vera)
      Sin. stagnâsi
4. v.pron.intr. (fig.) deventâ magri, pierdi volum:  il so cuarp al jere plui sut, come se muscui e gnerfs si fossin suiâts (Adriano Nascimbeni, Un brut dopodimisdì)
   Sin. scarmîsi , smagrî , smagrîsi , sclagnîsi
5. v.pron.intr. (fig.) no vê plui sostance, risorsis, pussibilitâts, vivôr:  in chê cjase ducj cîr di raspâ e mai di puartâ dongje, e in chest mût si suie ancje la borse dal Manin (Maria Forte, La tiere di Lansing); ancje il tacuin di Pieri si suiave simpri di plui (Lucio Perès, Il mâl dal mûr)
   Sin. candîsi , cantesemâsi , disidratâsi , incandîsi , incantesemâsi