Dizionari de Lenghe Furlane

fûr  fûr  [FO]

1. av., prep. de bande esterne:  un bon frico al à di vê une biele croste fûr e jessi tenar dentri
   Sin. par fûr , difûr , par difûr
   Var. fôr
   
   1. (par anton.) tal viert, no a sotet, fûr di cjase:  si son sposâts cun grande fieste; a compagnâju a cjase e jere fûr dute la zoventût dal paîs (Pieri Menis, Une cotule pal dì de sagre); la Nande e jere fûr a lens (Maria Forte, La cjase dal Murat); viôt di tôs sûrs, Line e Mariute, compagnilis a cjase e viodêt di no sta fûr fin a straoris (Pieri Menis, Chei di Muraie)
2. av., inter. in espressions escl., par comandâ di lâ vie:  Fûr di ca! Fûr di ca, voaltris (Alviero Negro, Int di masnade)
   Sin. vie , mars² , ghets , urcje vie
   
   1. tant che domande imperative di paiâ o meti une cuote di bêçs:  «Fûr cinc francs prin di dut, inalore», al dîs Zepil (Meni Ucel, Il salam)
      Sin. ca¹
   2. av. di cuantitât di bêçs, par rest, par diference:  "Ce valin i miluçs?" "Sedis solts." "Che mi dei cuatri solts fûr." (i da un da vincj) (Luîs Merlo, Tra parincj)
      Sin. indaûr
   3. tant che invît a vignî indevant cui che i tocje:  Libran, Ilbran, Gulpran, Scultàs, Pataf, Scabin, Scjapin, fûr il prin! (Zuan Nazzi Matalon, Ottorino Burelli, Sacheburache)
3. adi.inv., av. tun puest che al è lontan, spec. lontan di un paîs, di une citât o dal so centri:  une biele cjase, fûr, in campagne; su la strade che e va a Strassolt di une bande e fûr tai cjamps di Roncjis di chê altre (Dario Chialchia, Nus cjalin)
   Sin. lontan
   
   1. prep. te zone plui o mancul lontan di une localitât:  tun casel lontan suntune strade ferade a pene fûr citât (Dino Virgili, La aghe da pît la cleve); i aeroplans a bombardin pe campagne juste fûr Trebra (Ivano Urli, Storie di Vera)
4. av. tal forest:  o soi stade fortunade: un dal paîs che a son agns che al è fûr, al à metût par me i bêçs dal viaç (Antescûr, Se Diu al vûl); [il patriarcje Bertrant] cuintri ducj i prepotents di fûr e di dentri al si batè tant che un leon (Josef Marchet, Cuintristorie dal Friûl fin sot la Italie)
   Sin. vie
5. av. (coloc.) in libertât, no in preson:  sîs mês di galere, ma cumò tu sês fûr une altre volte (Spirt Anonim, Iñaki e Aitor)
6. av. in aparence:  fûr al somee cuiet, ma cuissà ce che al pense pardabon
   Sin. difûr , par fûr , par difûr , dal difûr
7. av. (fig.) cence relazions, leams, implicazions, partecipazion e v.i.:  nol baste jessi cuintri, bisugne restâ fûr… / butâ vie lis scarpis par cjaminâ sul dûr (Pit Ryan, La medisine juste)
   Sin. difûr
8. prep. par pandi esclusion, ecezion:  i romançs furlans di Sgorlon a àn une atmosfere insumiade, fûr il prin, "Prime di sere", che al è dut realistic
   Sin. fale¹ , gjavant , gjave²
9. prep., av. di là di un ciert tiermin di timp:  la domande e je rivade fûr tiermin e no je stade acetade
10. adi.inv. (coloc.) no a puest cul cjâf, ancje in esclamazions di maravee:  "sequestrare la stalla", i vevin dite. Ma cemût? Cemût secuestrâi la stale, ma sino fûr? (Milio dai cjans, Vueris di cunfin)
    Sin. mat , ator , ator cul cjâf , fûr cul cjâf
11. av., adi.inv. in evidence, in biele mostre, a clâr:  "Ce costial un di chei macets di violis che son fûr in vetrine?" (Vittorio Vittorello, A ogni cost)
12. av., adi.inv. di prodot, metût in vendite:  o stin tradusintle [la Biblie] dute par furlan; il Gnûf Testament al è za fûr (Francesc Placerean, I furlans a àn di preâ te lôr lenghe par cuistions di religjon e di dignitât)
13. av., adi.inv. di libri di biblioteche, za in prestit:  "Donald dal Tiliment" al è fûr, ma a varessin di tornâlu par lunis che al ven
14. av., adi.inv. [TS] sport tai zûcs cu la bale, tal spazi che al è di là des liniis dal cjamp, li che la bale no pues colâ se e à di restâ in zûc o di fâ pont:  tîr cul cjâf di Celar che si stude a pene fûr di là dal pâl lontan (Marc Stolf, Cremonese - Pordenone 2-2)
    
    1. tal balon, tal spazi dal cjamp plui lontan de puarte rispiet ae linie de aree di rigôr:  Walace al prove a tirâ di fûr, ma la bale e va alte parsore de travierse (Marc Stolf, Cagliari - Udinese 0-1)
    2. te bale tal zei, tal spazi dal cjamp plui lontan dal zei rispiet ae linie dai trê ponts
15. s.m.sing. part esterne:  si percepìs ben il dentri e il fûr dal templi e la sô armonie costrutive (Adrian Cescje, Viaç aes origjins dal Logos)

Polirematichis e espressions idiomatichis

• bati fûr loc.v.
• bo di fûr loc.s.m.
• burî fûr loc.v.
• butâ fûr loc.v., loc.
• butâ fûr dal jet loc.v.
• butâ fûr i budiei loc.v.
• butâ fûr la anime e il polmon loc.v.
• butâsi fûr loc.v.
• cirî fûr loc.v.
• cjatâ fûr loc.
• dâ fûr loc.v.
• dâ fûr di mat loc.v.
• di fonde fûr loc.
• dî fûr loc.v.
• dilunc fûr loc.av., loc.prep.
• fâ fûr loc.v.
• fâsi fûr loc.v.
• fûr che loc.prep.
• fûr cu la cassele loc.adi.inv., loc.av.
• fûr cu la cassele dai sintiments loc.adi.inv., loc.av.
• fûr cu la cite loc.adi.inv., loc.av.
• fûr cu la gamele loc.adi.inv., loc.av.
• fûr cui sintiments loc.adi.inv., loc.av.
• fûr cul cit loc.adi.inv., loc.av.
• fûr cul cjâf loc.adi.inv., loc.av.
• fûr cul cjast loc.adi.inv., loc.av.
• fûr cul gamelot loc.adi.inv., loc.av.
• fûr dai coions loc.av., loc.inter.
• fûr dai dincj loc.av., loc.adi.inv.
• fûr dai pîts loc.av., loc.inter.
• fûr dai semenâts loc.adi.inv., loc.av.
• fûr dai voi loc.av.
• fûr dal vade loc.adi.inv.
• fûr des balis loc.av., loc.inter.
• fûr des cusiduris loc.adi.inv., loc.av.
• fûr di loc.prep.
• fûr di pan loc.av.
• fûr di plomp loc.av., loc.adi.inv.
• fûr di scuare loc.av., loc.adi.inv.
• fûr di sintiment loc.adi.inv., loc.av.
• fûr pe setemane loc.av.
• fûr plomp loc.av., loc.adi.inv.
• fûr scuare loc.av., loc.adi.inv.
• gjavâ fûr loc.v.
• in fûr loc.av., loc.adi.inv.
• lâ fûr loc.v.
• lâ fûr cu la cassele loc.v.
• lâ fûr cul cjâf loc.v.
• lâ fûr cul gamelot loc.v.
• lâ fûr dai coions loc.v.
• lâ fûr dai pîts loc.v.
• lâ fûr dai semenâts loc.v.
• lâ fûr dai voi loc.v.
• lâ fûr dal cjâf loc.v.
• lâ fûr dal cûl loc.v.
• lâ fûr dal troi loc.v.
• lâ fûr des balis loc.v.
• lâ fûr di cjâf loc.v.
• lâ fûr di cjaradorie loc.v.
• lâ fûr di produzion loc.v.
• lâ fûr di strade loc.v.
• lassâ fûr loc.v.
• mandâ fûr loc.v.
• meti fûr loc.v.
• molâ fûr loc.v.
• netâ fûr loc.v.
• parâ fûr loc.v.
• puartâ fûr loc.v.
• puartâ fûr la scusse loc.v.
• puartâle fûr loc.v.
• puartâse fûr loc.v.
• puartâsi fûr loc.v.
• restâ fûr loc.v.
• ridi fûr loc.v.
• rindi fûr loc.v.
• rompi fûr loc.v.
• saltâ fûr loc.v.
• saltâi fûr loc.v.
• sbilfâ fûr loc.v.
• sbrissâ fûr loc.v.
• sbrocâ fûr loc.v.
• scjassâ fûr loc.v.
• scliçâ fûr loc.v.
• sclopâ fûr loc.v.
• scovâ fûr loc.v.
• sierâ fûr loc.v.
• sierâ fûr de puarte loc.v.
• stâ fûr loc.v.
• striçâ fûr loc.v.
• sveâ fûr loc.v.
• sveâsi fûr loc.v.
• taiâ fûr loc.v.
• tignî fûr loc.v.
• tignîsi fûr loc.v.
• tirâ fûr loc.v.
• tirâ fûr i passarats loc.v.
• tirâsi fûr loc.v.
• tornâ fûr loc.v.
• vignî fûr loc.v.

Proverbis:

• a Madone des cjandelis, se al è nûl o sin fûr, se al è clâr a mieç Invier
• cuant che a son fûr madracs e carbons, si è sigûrs di lamps e tons
• cuant che l'uciel al è fûr de scjaipule, si stente a cjapâlu
• fûr il dint e vie il dolôr
• fûr il gjat, la surîs a bale
• fûr sanc, dentri mistîr
• il clap al è fûr e il diaul al è daûr
• o dentri o fûr
• Sant Pauli scûr, dal Invier no sin fûr
• Sant Zorç si bute la cjalce fûr pe cort