Dizionari de Lenghe Furlane

dilunc fûr    [CO]

1. loc.av., loc.prep. par tante part de estension o par dute la estension, no dome spaziâl, ma ancje temporâl, logjiche, psicologjiche, emotive e v.i.:  il grues di cheste int si stanziarin dulà che nassin lis aghis plui grandis: la Donau, la Elbe, il Rain, e dilunc fûr dal cors de Donau fintremai di là di Viene (Josef Marchet, Cuintristorie dal Friûl fin sot la Italie); devant dal cjasâl e jere dute la colonie jù pe rive cul soreli insom, daûr i pôi, e un 'siminâ di grîs dilunc fûr fin tal cîl (Dino Virgili, Devant di dut il cîl); tal mieç [de cjase], dilunc fûr, un coridoron plen di gjachetis e di gjilês picjâts sun ducj i clauts (Riedo Pup, Zuan Gjeremie); butâ lis fondis par podê lâ indevant di un continui inte formazion e inte incressite umane e culturâl, dilunc fûr dutis lis etis de vite (Bruno Forte, Un lûc pe cussience comunitarie)
   Var. dulinfûr
   Cfr. dilunc , dilunc vie , a traviers , çontraviers

Components:

• dilunc av., prep.
• fûr av., prep., inter., adi.inv., s.m.sing.