Dizionari de Lenghe Furlane

taiâ fûr    [CO]

1. loc.v. taiâ e gjavâ un toc di alc che al jere intîr:  lui po si veva tacât menâ tâi colps, che cun ognidun gji taiava net un cjâf al mago. Finalmentri il mago no veva podût resisti e veva distirât i cracs. 'Sanut alora veva taiâti fûr di ogni cjâf la lenga, e li veva mitudi dutis ta sô bisassa, po, jara tornât fûr dal bosc (Ranieri Mario Cossâr, Il 'sinar dal re)
   Sin. taiâ vie
2. loc.v. otignî, fâ alc taiant:  «Viodiso, fruts, jo o scuen taiâ fûr di chest murelut cinc fetutis par voaltris e une par vuestri pari, là che invezit pre Tite un murel come chest sal mangje tune bocjade bessôl dopo Messe prime a buinore» (Meni Ucel, Purizions)
3. loc.v. escludi:  des voltis, chei altris ti tain fûr dal grop dome par che no tu sês ae mode e piturade come lôr (AAVV, Sul florî)
   Sin. tignî fûr , parâ di bande , parâ vie , tignî in bande , tignî di bande , tignî de bande , parâ in bande , meti in bande , meti di bande , meti de bande
4. loc.v. movisi, passâ o fâ une azion che e lasse cdn. o alc in bande o in cundizion isolade:  la gnove linie [de ferade], cun dut che e permet une velocitât plui grande e une riduzion dai timps di percorince tra Udin, Tarvis e la Austrie, e taie fûr i paîs dal Cjanâl dal Fier e de Val Cjanâl, che si cjatin a vê pierdût un servizi impuartant (Mauro Pascolini, Andrea Guaran, La mont furlane)

Components:

• fûr av., prep., inter., adi.inv., s.m.sing.
• taiâ v.tr., v.intr.