Dizionari de Lenghe Furlane

parâ in bande    [CO]

1. loc.v. meti o fâ stâ alc o cdn. un pôc lontan, in gjenar in direzion laterâl, ancje cun decision o cu la fuarce:  lui al va sul fogolâr, i trame la man, al pare in bande i stiçs cu li molecjis (Dolfo Zorzut, La furlane); Delchi si jere sintât e al veve parât in bande il plat (Gianni Gregoricchio, Delchi)
   Sin. parâ de bande , parâ di bande
   Cfr. meti in bande , meti di bande , meti de bande
2. loc.v. lassâ stâ, in maniere provisorie o definitive, un progjet, une ativitât, une maniere di fâ e v.i.:  une false modernitât ti sburte a parâ in bande o a parâ jù dut ce che al è peât a un teritori e a une storie (Antoni Beline, Furlans pe Patrie)
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , parâ di bande , parâ de bande , meti in bande
3. loc.v. fâ che cdn. al vedi di molâ une posizion, une ativitât, une funzion e v.i.
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , parâ de bande , parâ di bande , meti in bande
   
   1. fâ stâ cdn. o alc intune posizion di pocje impuartance o di nissune impuartance, no calcolâlu:  Frau, pe sielte che al fasè di sostignî i progjets plui avanzâts de gnove politiche linguistiche, si tirà i fulmins e i befei dai solits furlaniscj scalmanâts che si viodevin parâts in bande di chê politiche (Adrian Cescje, Memoriis di politiche linguistiche)

Components:

• bande s.f., prep.
• parâ v.tr.