Dizionari de Lenghe Furlane

lassâ di bande    [AF]

1. loc.v. lassâ un pôc lontan, soredut in posizion laterâl:  la slite e nete la strade lassant di bande grums di nêf
   Sin. lassâ in bande
   Var. lassâ de bande
2. loc.v. no doprâ, no mangjâ, no bevi, no spindi e v.i., soredut par podêlu fâ plui indevant:  al furigave tal cassetin dal pan par gjavâ fûr une croste, lassade di bande la sere prime (Gianni Gregoricchio, Pollione Magrini)
3. loc.v. no cjapâ dentri, no tocjâ, no cjapâ in considerazion:  in realtât, lassant di bande la impuartance storiche de documentazion, a lei la premesse di chel librut si capissin altris cjossis […] (Josef Marchet, Logjiche e politiche); Ben che al sinti, siôr Tite, lassìn di bande chestis fotis! (Arturo Feruglio, Un grop sul stomi)
   Sin. lassâ in bande , lassâ fûr
   
   1. no dâ atenzion, impegn e v.i.:  ce mi impuarte se di bande / altris voris i ai lassât? (Anute Fabris, No stin a pierdi timp!)
4. loc.v. escludi, no fâ partecipâ:  par dute la sere Lilie mo no lu veve abadât e mo lassât di bande (Gianni Gregoricchio, Lilie)
   Sin. lassâ in bande , parâ di bande , parâ vie , lassâ fûr
5. loc.v. no fâ alc, rinunziâ a alc:  se propit no tu vuelis lassâ di bande dal dut la tô mate idee umanitarie, ancje culì a son piçulis e grandis miseriis e tu pûs fâ dal ben (Pieri Somede dai Marcs, O sielç lis stelis)
   Sin. lassâ in bande , fâ di mancul , molâ , lassâ , lassâ fûr

Components:

• bande s.f., prep.
• lassâ v.tr., v.intr.