Dizionari de Lenghe Furlane

parâ di bande    [CO]

1. loc.v. meti o fâ stâ alc o cdn. un pôc lontan, in gjenar in direzion laterâl, ancje cun decision o cu la fuarce:  e je une man plui svelte de sô che e pare di bande il tendon lassant che la lûs e inondi la stanzie (Franco Marchetta, Madalene)
   Sin. parâ de bande , parâ in bande
   Cfr. meti in bande , meti di bande , meti de bande
2. loc.v. lassâ stâ, in maniere provisorie o definitive, un progjet, une ativitât, une maniere di fâ e v.i.
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , meti di bande , parâ in bande , meti in bande
3. loc.v. fâ che cdn. al vedi di molâ une posizion, une ativitât, une funzion e v.i.
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , meti di bande , parâ in bande , meti in bande
   
   1. fâ stâ cdn. o alc intune posizion di pocje impuartance o di nissune impuartance, no calcolâlu:  e esist une culture furlane, che no à mai parât di bande chês altris culturis, e che o intindìn judâle a scuvierzisi a nivel di popul, e no lassâsi somerzi di nissun (Adrian Cescje, Memoriis di politiche linguistiche)

Components:

• bande s.f., prep.
• parâ v.tr.