Dizionari de Lenghe Furlane

meti in bande    [AF]

1. loc.v. meti alc o fâ lâ cdn. un pôc lontan, in gjenar in direzion laterâl:  e cjape sù il gramofono par metilu in bande (Costantino Smaniotto, Co l'amôr al cimie)
   Sin. meti di bande , meti de bande , lassâ di bande , lassâ de bande , lassâ in bande , poiâ in bande , poiâ di bande , poiâ de bande
2. loc.v. tignî alc a disposizion par se stes o par altris, par podêlu vê o doprâ cuant che al covente:  nô dal curtîl o strissinìn une grant çocje di cocolâr, mitude in bande di pueste l'Unviar passât (Pieri Somede dai Marcs, Vilie di Nadâl (conte)); al veve mancul fit di paiâ e al rivave simpri a vanzâ cualchi franc tal tacuin; e ju meteve in bande tant che relicuiis (Riedo Pup, I furlans e i bêçs)
   Sin. meti vie , tignî cont , tignî di bande , dâ dongje , meti dongje , meti di bande , meti de bande
3. loc.v. lassâ stâ, in maniere provisorie o definitive, un progjet, une ativitât, une maniere di fâ e v.i.:  cariere, sodisfazions professionâls e interès economics a forin metûts in bande di front a la fuarce dai sintiments (Giovanni Pillinini, Zuan Batiste Cavedalis - Une vite esemplâr); al coventave tabaiâ ducj insiemit, cjatâ unitât e meti in bande lis ideologjiis (Oscar Puntel, Si à di jessi combatîfs e unîts a pro dal Friûl)
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , parâ in bande , parâ di bande , parâ de bande
4. loc.v. fâ che cdn. al vedi di molâ une posizion, une ativitât, une funzion e v.i.:  altris a àn pôre di jessi metûts in bande. Si son simpri declarâts indipendentiscj, ma cumò, viodût che no son lôr a gjestî lis robis, si tirin indaûr cu la scuse che no son madûrs i timps (Dree Valcic, Un referendum cuintri lis nestris divisions)
   Sin. meti de bande , lassâ di bande , lassâ de bande , lassâ in bande , butâ di bande , butâ de bande , butâ in bande , parâ in bande , parâ di bande , parâ de bande , parâ vie
   
   1. fâ stâ cdn. o alc intune posizion di pocje impuartance o di nissune impuartance, no calcolâlu:  pinsîrs e siums di mari e pôris di gjenitôr che si sint metût in bande, che al viôt il so compit finît (Roberto Ongaro, Il muc)

Components:

• bande s.f., prep.
• meti v.tr.