Dizionari de Lenghe Furlane

tignî cont    [FO]

1. loc.v. calcolâ, contâ:  daûr dai dâts publicâts sul principâl cuotidian locâl, in chê scuele a risultavin 163 adesions (probabilmentri il valôr al ten cont ancje de sucursâl) (Fabian Ros, Cheste cjase no sta sù)
   Sin. tignî in cont , meti in cont
   
   1. scrivi alc par che a restin informazions e dâts precîs:  metint in pericul la sô vite Rizzo al à tignût cont di ce che al capitave a lui e ai siei compagns di disgracie, dì par dì al à ancje notât i nons di chei che no rivavin a puartâsale fûr (Max Mauro, Buchenwald 1944)
      Sin. cjapâ note , tignî note
2. loc.v. considerâ cun atenzion, dâ la juste impuartance:  "Nol volarà tignî cont de testemoneance di un vilan di chel gjenar, siôr comissari?" (Alviero Negro, Int di masnade); «[…] il Signôr al tignarà cont de vuestre fadie» (Pieri Menis, Il miracul dal plevan di Trep); tignint cont che in chest mont nissune robe no je perfete, si po dî che i nestris ministradôrs a àn fate une figure splendide (Antoni Beline, Storie di muart e di resurezion)
   Sin. tignî in considerazion , badâ , abadâ , cjalâ , pensâ , considerâ , tignî a ments , tignî in cont , fâ calcul , calcolâ , meti in cont , cjapâ note
   Cfr. tignî bon
3. loc.v. (ancje ass.) vê cure di cdn. o soredut di alc, viodi che si conservi:  une volte viveve intun paîs une mari che veve nome un fi di non Zanut; jê ti lu tignive cont come la lûs dai voi (Dolfo Zorzut, "A voi a cirî el Paradîs"); ogni soldât al devi tignî cont e conservâ ben lis sô armis (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. viodi , tignî di voli , cjalâ , stâ daûr , tignî di cont
   
   1. in particolâr dai bêçs, tignîju in bande, sparagnâju:  "[…] pai bêçs o ai simpri dome sparagnât e tignût cont ancje se par une volte o spint alc par me, mi pâr che no sedi une robe tant malfate!" (Jolanda Mazzon, Fûr di timp)

Components:

• cont¹ s.m.
• tignî v.tr., v.intr.

Proverbis:

• bisugne tignî cont cuant che a 'nd è, che cuant che no 'nd è nol servìs a nuie
• cemût tegnial cont dai altris cui che nol ten cont di se?
• cui che al ten cont dal pôc al ten cont ancje dal trop
• cui che al ten cont de sô piel al ten cont di un grant cjistiel
• cui che al ten cont di un fulminant nol vâl un fulminant
• cui che al ten cont pe spine al piert pal cjalcon
• cui che al ten cont pe spine al spant pal cjalcon
• cui che nol ten cont dal centesim nol rive a fâ il solt
• cui che nol ten cont dal pôc nol ten cont dal trop
• cui che nol ten cont dal so, mancul di chel di chei altris
• cui che nol ten cont dal trop al piert ancje il pôc
• cui che nol ten cont di un centesim nol vâl un milesim
• cul tignî cont si devente parons di mieç mont
• il prin capitâl al è tignî cont
• nol po tignî cont de robe dai altris cui che nol ten cont de sô