Dizionari de Lenghe Furlane

meti in cont    [CO]

1. loc.v. meti intun calcul:  "Se o metìn in cont dutis lis oris… - al veve rugnât il nodâr, supant il cafè, - …chestis adunadis nus costin un voli dal cjâf!" (Gianni Gregoricchio, Îr e doman)
   Sin. contâ
2. loc.v. tignî in considerazion:  o sin usâts a une forme di retoriche a bon presit, che e puarte adalt tant il nestri paîs, che il nestri popul, parsore di ducj chei altris vicins e lontans. Chest al è il dret; ma e vûl metude in cont ancje chê altre muse (Josef Marchet, Lis predicjis dal muini)
   Sin. contâ , calcolâ , considerâ
   
   1. previodi tant che pussibilitât o eventualitât:  a àn acetât l'incaric a bracevierte. E nol jere nancje di meti in cont che lu refudassin (Riedo Pup, Portus Naonis docet)

Components:

• cont¹ s.m.
• meti v.tr.

Proverbis:

• ce che al va parsore no si met in cont