badâ
ba|dâ
[AF]
-
v.intr., v.tr.
dâ atenzion o impuartance a cdn. o a alc:
"No saressial mo il câs, Signôr mio benedet, di fiscâle, chê mostre di femenate?" Ma il Signôr, cence badâi, al tirà dilunc e al jentrà intune altre cjase (Luigi Gortani, La ospitalitât);
a vevin vude une realtât nome par lôr, une maniere divierse di vivi, cence badâ a ce che a disin chei altris (Alan Brusini, Par stradis lungjis);
mâi consuets, che no ju badìn plui, parcè che sin trop usâts a viodiju ogni dì (Federigo Comelli, Il me paîs)
Sin. stâ atent
, viodi
, cjalâ
, stâ daûr
, lâ daûr
, fâ câs
, dâ abade
Var. abadâ
-
v.intr., v.tr.
viodi di cdn. o di alc, che al stedi ben, che al ledi indenant ben e v.i.:
al covente tignî di voli i fatôrs, e badâ che a fasin chel che al va fat e come che al va fat (Guido Antonioli, Florean dal Palaç, I, 1);
"O vin pûr viodût di badâlu, di pensâ par lui!" (Laurin Zuan Nardin, E bon di chel!)
Sin. viodi
, impensâsi
, stâ daûr
, tignî di voli
, atindi
-
v.intr., v.tr.
(ancje ass.)
meti impegn, interès:
nel meti dentri il dint nel cuviart bisugna badâ di metilu simpri in maniera açò che il puntin il cuâl al è sul dint, al sei simpri al infûr sora via del botonut (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. viodi
-
stâ atent di no fâ alc o che nol sucedi alc:
"Badait che nol us scjampi fûr di man!" (Zuan Lurinçon, La batarele)
Sin. cjalâ
, viodi
, vuardâ
, vuardâsi
, stâ atent