vuardâsi
vuar|dâ|si
[AF]
-
v.pron.tr., v.pron.intr.
vuardâ alc di se stes, par se stes, alc che si à intor o cun reciprocitât:
al si vuarda li barghessi smoleadi fin sora il zenoli (Novella Cantarutti, Un pari da conossi)
Var. guardâsi
-
v.pron.intr.
evitâ alc o cdn. che si calcolin in mût negatîf, fâ in mût di stâ sul sigûr a pet di alc di brut che al pues sucedi:
i contavin a jê, puare frute, che i zovins son triscj, si dêf vuardâsi di lôr! (Dolfo Zorzut, No je plui vive);
si le sintive chê cjampanute a sunâ di vuardâsi che al jere pericul (Dino Virgili, La aghe da pît la cleve);
cun chest timp, siôr dotôr, tocje stâ atents, vuardâsi des corentiis, dai sbalçs de clime (Meni Ucel, Tant parom)
Sin. cautelâsi
, premunîsi
, protezisi
, stâ lontan
, evitâ
, stâ in vuardie
, stâ in vuaite
, stâ atent
-
viodi di no fâ alc:
l'om si vuardave dal straçâ, e nol scantinave tal bevi (Maria Forte, Cjase di Dalban);
"Che si vuardi ben, Titute, di cjacarâ cussì in presince dai venezians […]" (Arturo Feruglio, Viaç a Vignesie)
Proverbis:
- al conven vuardâsi plui dai ignorants che no dai birbants
- cui che al à il cjâf di veri che si vuardi des clapadis
- dai amîs mi vuardi jo, dai nemîs mi vuardi Gjo
- dai nemîs mi vuardi jo, dai amîs mi vuardi Gjo
- di un clap si vuardisi ma di une malelenghe no
- fiditi di pôcs e vuarditi di ducj
- vuardâsi dai parincj strets come des scarpis stretis
- vuardìnsi dal capitâl de miserie
- vuarditi dai segnâts
- vuarditi dal asin che se nol po muardi al trai
- vuarditi dal cjan che al tâs
- vuarditi dal cjan che nol baie
- vuarditi dal om che al à la vôs di femine
- vuarditi dal om che al cjale bas e de femine che e à lunc il pas
- vuarditi de bore cuvierte
- vuarditi de bore sot de cinise
- vuarditi de colure des feminis e dai predis
- vuarditi de femine che e à vôs di om
- vuarditi des piçulis spesis
- vuarditi di chei di dôs musis
- vuarditi di chel che al lei suntun sôl libri
- vuarditi di cui che al cjale la ponte des scarpis
- vuarditi di cui che al promet masse