Dizionari de Lenghe Furlane

tignî in considerazion    [CO]

1. loc.v. considerâ in maniere positive:  "O sai che il siôr cont ti ten in considerazion, ancje se tu sês un bintar. Ma no stâ metiti ideis strambis tal cjâf. I sotans a son sotans" (Gianni Gregoricchio, Îr e doman)
   Sin. calcolâ , considerâ
2. loc.v. considerâ un element intun resonament, intune decision e v.i.:  ducj i doi i aspiets a son tignûts in considerazion ancje in Europe, là che si cjale massime ae dimension gjeografiche e a son calcolâts dialets diviers idiomis doprâts a nivel substatâl, locâl o regjonâl (Marc Stolf, Minorancis linguistichis); in totâl, a son stadis cjatadis 47 speciis di uciei: un bon risultât, considerant che il studi al tignive in considerazion dome i animâi contatâts vie pal dì intune fasse largje 100 metris e lungje doi chilometris, e no in dut il bosc (Gianluca Rassati, Ancje intai boscs di mont e je une buine variabilitât di speciis di uciei)
   Sin. tignî cont , tignî presint , calcolâ , considerâ

Components:

• considerazion s.f.
• tignî v.tr., v.intr.