Dizionari de Lenghe Furlane

cjapâ note    [CO]

1. loc.v. scrivi alc par che a restin informazions e dâts precîs:  il sindic al leiè suntune tabele e il segretari al cjapave note (Dino Virgili, La aghe da pît la cleve); i membris de delegazion europeane a àn cjapât note cun atenzion dai problemis segnalâts e des critichis fatis indenant (Carli Pup, I voi de Europe sui dirits linguistics e nazionâi dai furlans)
   Sin. tignî note , tignî cont , segnâ , segnâsi
2. loc.v. [BF] vê cussience di alc e dâi la juste impuartance:  la veretât no à di vê pôre di un che cu la anime sclete, pronte a cjapâ note de veretât, ancje se no i plâs, al va a cirî il parcè (Francesc Placerean, La Pasche)
   Sin. tignî in considerazion , badâ , abadâ , cjalâ , considerâ , tignî a ments , tignî in cont , fâ calcul , calcolâ , meti in cont , cjapâ at

Components:

• cjapâ v.tr., v.intr.
• note s.f.