Dizionari de Lenghe Furlane

lassâ in bande    [AF]

1. loc.v. lassâ un pôc lontan, soredut in posizion laterâl, in câs ancje par podê conservâ e doprâ plui indevant o ancje par scartâ:  o ai disvoluçât lis statuinis dal bombâs, lassantlu in bande par fâ la nêf [dal presepi] (Giuliana Pellegrini, Il presepi)
   Sin. lassâ di bande
   Cfr. lassâ fûr
   
   1. passâ pôc lontan in posizion laterâl:  la Pontebane e lasse in bande Glemone e e va sù par Vençon
2. loc.v. no cjapâ dentri, no tocjâ, no cjapâ in considerazion:  la plui part di chei che pretindin di scrivi par furlan, lassant in bande che no san a ce sant avodâsi par puartâsi fûr cu la scriture, ce lengaç isal chel che a scrivin? (Josef Marchet, Fevelâ ben); fin cumò i nestris politics a vevin simpri lassât in bande chest probleme (Alessio Potocco, Un paîs plen di politics)
   Sin. lassâ di bande , lassâ fûr
   
   1. no dâ atenzion, impegn e v.i.:  o jeri piçule, no capivi la scuele, le cjapavi sot gjambe e parsore vie. Invezit cumò le cjapi de bande juste, cun serietât, ancje se mi capite ancjemò cualchi volte di no resonâ e di lassâle in bande (AAVV, Sul florî)
3. loc.v. escludi, no fâ partecipâ:  la Sante Sede, no podint lassâ in bande un om cu lis sôs capacitâts, lu mandà tal 1924 ae nunziature de Lituanie tant che «auditôr» (Elena Zanussi, Un deputât furlan tal Parlament di Viene)
   Sin. lassâ di bande , parâ di bande , parâ vie , lassâ fûr
4. loc.v. no fâ alc, rinunziâ a alc:  Eve par zornadis e setemanis interiis e lassà in bande la piture (Carlo Sgorlon, Ombris tal infinît)
   Sin. lassâ di bande , fâ di mancul , molâ , lassâ , lassâ fûr

Components:

• bande s.f., prep.
• lassâ v.tr., v.intr.