Dizionari de Lenghe Furlane

tignî in bande    [CO]

1. loc.v. tignî alc a disposizion par se stes o par altris, par podêlu vê o doprâ cuant che al covente:  meti intune cite cjalde vueli e cuant che al è cjalt scotâ il poleç taiât a tocs e po gjavâlu e tignîlu in bande. Tal stes vueli scotâ i gjambars e po gjavâju e tignîju in bande (Sandri Carrozzo, Mar i muntanya); o vevin un libri inviât, no finît, e cence plui prospetive di publicazion. O ai tignude in bande chê mieze opare fin che o ai cjatade une soluzion diferente (Adrian Cescje, Memoriis di politiche linguistiche)
   Sin. tignî cont , tignî di bande , tignî de bande
   Cfr. meti in bande , meti di bande , meti de bande
2. loc.v. fâ stâ intune cundizion secondarie o di esclusion:  la int dal lûc che e cjalave di stos parcè che i emigrants a jerin "mussiùs", forescj, int di tignî in bande (Lucio Perès, Il mâl dal mûr)
   Sin. meti in bande , meti di bande , tignî di bande , tignî de bande , meti de bande

Components:

• bande s.f., prep.
• tignî v.tr., v.intr.