Dizionari de Lenghe Furlane

puartâsi fûr    [AF]

1. loc.v. lâ vie:  al re i ven un suspiet e i domande: "Cui us à insegnât dut chest? La regjine no mo? Cumò, cumò a mi!" dissal. A rive tal palaç e i dîs ae regjine: "Puartiti fûr di chi pal to miei!" (Andreina Nicoloso Ciceri, Il re e la fantate furbe - Racconti popolari friulani I)
   Sin. lâ vie , lâ fûr , gjavâsi
2. loc.v. vignî fûr di un pericul o di une situazion grivie:  la braùra del espert remigant varès vût ce fâ a puartâsi fûr di chel infiar di ondis e di vint, se apunt il vint nol ves secondât il cjamin de la barcja (Federigo Comelli, Il me paîs); bogns di fâ ducj i lavôrs; di inzegnâsi a comedâ cualsisei imprest; di orientâsi e di puartâsi fûr in dutis lis dificoltâts (Riedo Pup, I furlans e i frutins)
   Sin. puartâle fûr , puartâse fûr , gjavâse
   
   1. rivâ a cjatâ une soluzion:  lassant in bande che no san a ce sant avodâsi par puartâsi fûr cu la scriture, ce lengaç isal chel che a scrivin? (Josef Marchet, Fevelâ ben)
   2. (ancje ass.) salvâsi, sorevivi:  Efrem al rivà a puartâsi fûr. Ma cumò nol jere nancje il câs di fevelâ di partence. Al scugnive fâ une lungje convalessence a cjase nestre (Carlo Sgorlon, Il dolfin)
3. loc.v. rivâ a otignî par se stes un risultât, un vuadagn e v.i.:  cul so lavôr, al rivave, pie no pie, a puartâsi fûr la polente (Roberto Ongaro, Cretevierte); la liste autonomiste si puartarès fûr almancul l'otante par cent des adesions (Josef Marchet, Votazions regjonâls)

Components:

• fûr av., prep., inter., adi.inv., s.m.sing.
• puartâsi v.pron.tr., v.pron.intr.