Dizionari de Lenghe Furlane

gjavâsi  gja|vâ|si  [FO]

1. v.pron.intr. metisi lontan, parâsi in bande:  no ai nissune voie di metimi a tabaiâ, ni di paiâi di bevi, anzit, mi da fastidi. O poi i bêçs sul banc par gjavâmi di li (Alan Brusini, Gian Paolo Linda, I forescj); Lis robis a levin simpri piês in famee e so missêr al volè gjavâsi di cjase e al le cuntune sô fie che e jere lade a marît a Flaiban (Pieri Somede dai Marcs, A jerin lagrimis)
   Sin. jessi² , lâ vie
   
   1. fâ in mût di no jessi plui intune cierte cundizion, situazion e v.i.:  Vignesie e clamave jutori cuintri dal Friûl che al voleve gjavâsi des sôs dipendencis e fâ une regjon di bessôl (Josef Marchet, Sot di nissun)
2. v.pron.intr. jessi diferent, jessi une ecezion:  cuant che il lavôr al sarà finît dute la cjase e mostrarà une muse che si gjave des cjasis chi ator (Maria Forte, Cjase di Dalban)
   Sin. diferenziâsi , distinguisi
3. v.pron.intr. passâ par une situazion negative, pericolose e v.i., cence masse dams:  Fausto, al scugnive contâ e tornâ a contâ dal timp passât jenfri i mucs, che ducj a volevin savê cemût che si jere gjavât cussì ben (Maria Forte, Cjase di Dalban); la stupide sperance di gjavâsi a bon presit des consecuencis di une vuere pierdude (Josef Marchet, Cuant si risolvaraie Rome a sistemâ i Julians?)
   Sin. puartâle fûr , gjavâse , gjavâsi fûr , gjavâse fûr
4. v.pron.tr. tirâ vie alc che si à intor:  cun galantarie, si gjavave il cjapiel par fevelâ cun jê (Alan Brusini, Come tai romançs); al si gjave il capot, gjachete e braghessis e al va tal jet sot des cuviertis (Pieri Somede dai Marcs, Al fresc)
   Sin. tirâ vie , gjavâ
5. v.pron.tr. fâ in maniere di no vê plui une idee, une sensazion, un sintiment e v.i.:  vuei lâ vie di ca, vuei gjavâmi chê pene che o ai tal cûr (Pieri Somede dai Marcs, Vilie di Nadâl (teatri)); une cjaminade par gjavâsi il rusin des comissuris induridis dal frêt (Josef Marchet, Lis predicjis dal muini); nol rivave a gjavâsi di intorsi il ricuart di chel sium stramp, plen di imagjins inmagadis e dolcis (Franca Mainardis, Grivôr)
6. v.pron.tr. (fig.) rinunziâ di pueste a alc:  al è fi di 'Sef Tondul, che nol à dibisugne di gjavâsi il pan di bocje ni il vin dal gargat, par vistî il so frut (Josef Marchet, Lis predicjis dal muini)

Polirematichis e espressions idiomatichis

• gjavâse a la romane loc.v.
• gjavâsi a la romane loc.v.
• gjavâsi il cjapiel loc.v.

Proverbis:

• cui che nol à voiis, al vûl dî che ses à gjavadis
• cui che si gjave il sium no si gjave la fam