Dizionari de Lenghe Furlane

restâ fûr    [AF]

1. loc.v. tal sens leterâl, restâ de bande esterne di un lûc sierât o limitât:  il buIo al reste fûr da cjase, e la frutate e jentre cuntun aiar di nocence che a console (Toni Falescjin, Une predicje di Primevere)
   Sin. stâ fûr
   
   1. (par anton.) ancje cence specificazion dal lûc, sotintindint la cjase:  una volta Simon jara restât fûr duta la gnot par lâ, sul fâ dal dì a gjambars tal Liac (Ranieri Mario Cossâr, Il sechin tal font dal sac)
2. loc.v. jessi escludût, no jessi cjapât dentri:  la dogmatiche religjose o metafisiche e presente afermazions che a restin fûr di ogni verifiche positive (Josef Marchet, La unitât cuintri la unitât); si capìs che, par cumò, la sielte precise de forme di ogni peraule e reste fûr dal nestri lavôr (Xavier Lamuela, La grafie furlane normalizade)
3. loc.v. vê bêçs fers intun invistiment, tun prestit, tune capare, tun anticip e v.i.
   Sin. stâ fûr

Components:

• fûr av., prep., inter., adi.inv., s.m.sing.
• restâ v.intr.