puartâ fûr
[AF]
-
loc.v.
puartâ e meti tal esterni:
al fo dut un 'siminâ di int, de cjase al curtîl par puartâ fûr armârs e cassons (Maria Forte, Cjase di Dalban);
il frut al jere colât tal riul e la aghe lu puartave vie. Chê biade femine, vaìnt, si bute ta la aghe profonde e ti rive adore di puartâlu fûr in salvament (Pieri Menis, Lis leiendis di Buie)
Cfr. tirâ fûr
, butâ fûr
, parâ fûr
-
fâ lâ o permeti di lâ fûr:
cumò le àn clamade vie Triest, che ti puarte fûr dret su la provinciâl, che e à non vie Gurize (Laurin Zuan Nardin, Vie Vignesie)
-
loc.v.
puartâ alc di mangjâ o di bevi:
e cjalà mo l'om mo la brût par sigurâsi de biele novitât, cun dutis dôs lis mans e leà mol il façolet neri parsore il cjâf, po e puartà fûr la tace dal vin e un toc di formadi par Vigji (Maria Forte, La tiere di Lansing);
nus à fats jentrâ intal tinel e nus à puartât fûr il plui bon salam, il plui bon formadi e il plui bon vin che al veve (Antoni Beline, La lenghe dal cûr)
Sin. meti fûr
-
loc.v.
rivâ a otignî:
il risultât che o vin puartât fûr al è dal sigûr un risultât tamesât, purgât de bule, de semule, de vece e di ducj i sporcheçs (Josef Marchet, Dodis mil e cuatricent)
Sin. gjavâ
, tirâ fûr
, otignî
Cfr. puartâ dongje
-
loc.v.
frontâ e passâ une dade di timp o une situazion che e met devant di dificoltâts:
al à un stric di braide vidiade e al fâs chel got juste di puartâ fûr l'Unviar (Dino Virgili, La aghe da pît la cleve);
Sandri al murive! Nol puartà fûr lis zornadis di chel Avrîl che al florive a dispiet di ogni mâl (Maria Forte, Cjase di Dalban)
Sin. parâ fûr
-
loc.v.
presentâ, fâ savê, fâ cjapâ in considerazion, soredut in riferiment a argoments, esemplis, provis e v.i.:
di zovin al jere stât in dutis lis parts dal mont, nol fevelave mai dibant e al puartave fûr simpri fats e documents (Riedo Pup, Il compromesso);
po ben te nestre storie o podìn puartâ fûr un patriarcje come Marquart, che, rivât in Friûl, al à cjatât une vuere su trê fronts (Francesc Placerean, Il patriarcje de pâs: Marquart di Randeck)
Sin. puartâ indenant
Components:
-
fûr
av., prep., inter., adi.inv., s.m.sing.
-
puartâ
v.tr.
Proverbis:
- e space plui la femine cuntun grumâl a puartâ fûr che no l'om cuntun cjar a puartâ dentri