Dizionari de Lenghe Furlane

puartâ indenant    [FO]

1. loc.v. fâ lâ indenant tal spazi:  «Ma alore, Agnul, cuant che si puarte indenant o indaûr un confin, no si ingrandissial la patrie?». «Nancje par ideis. Si ingrandìs la aministrazion […]» (Riedo Pup, I furlans e la patrie)
   Sin. puartâ indevant
2. loc.v. fâ procedi une ativitât, un lavôr, un progjet, une pratiche e v.i.:  mant un voli ae rubriche des rispuestis ai letôrs, par dut il 1946 almancul si cjate une vore di cuistions decisivis che a vevin di frontâ tal puartâ indenant il lôr progjet (Max Mauro, Felix Marchi e il sium dal furlan-furlan); la Comission e je l'organisim incargât de Regjon par puartâ indenant la ativitât leade ae aplicazion di cheste leç (Adrian Cescje, Memoriis di politiche linguistiche)
   Sin. puartâ indevant
3. loc.v. presentâ, sostignî un argoment, un valôr e v.i.:  "La civiltât e lis resons storichis che voaltris o puartais indenant a son imperialistichis e sorpassadis" (Tarcisio Venuti, La cjase di Toni); otignî che lis dificoltâts puartadis indenant dal ministeri dal tesaur a vegnin superadis (Riedo Pup, Cinccent a la volte)
   Sin. puartâ indevant
4. loc.v. dâ une prosecuzion:  tant in France che in Furlanie, in dì di vuê o vin nons propris che a puartin indenant la forme dal câs rezidôr dongje di altris che a puartin indenant la forme dal câs subiet (Zorç Cadorin, Cualchi ipotesi sul furlan di prin di scrivilu)
   Sin. puartâ indevant

Components:

• indenant av., adi.inv., s.m.inv.
• puartâ v.tr.