parâ fûr
[AF]
-
loc.v.
fâ lâ o sburtâ fûr, difûr, de bande esterne e v.i.:
in chel a rivarin i carabinîrs che a scomençarin a parâ fûr la int dal curtîl (Pieri Menis, Sflameadis);
di cjase mê o soi paron di parâ fûr cui che o vuei, ancje cul stombli de scorie (Josef Marchet, Lis predicjis dal muini)
Sin. mandâ fûr
Cfr. parâ vie
, mandâ vie
-
ancje in riferiment a alc di imateriâl, tant che pinsîrs, sintiments, sensazions e v.i.:
«Malandret di un amôr e ce fuarce che al à: lu pari vie dal cjâf, ma no pues parâmal fûr dal cûr!» (Dino Virgili, La aghe da pît la cleve)
-
loc.v.
mandâ vie di cjase o di un puest che si veve in proprietât o a fit:
"No vin plui cjase nô, nus àn parâts fûr parcè che il pai al jere cence lavôr" (Pieri Somede dai Marcs, Timp di infier)
-
loc.v.
mandâ vie di un puest di vore, di une funzion, di une posizion:
ancje tal gno piçul cjantonut di plevan o ài vudis lis mês rognis e par dôs voltis o ài riscjât di jessi parât fûr par indegnitât (Antoni Beline, La vere cariere);
lis grandis ditis a stavin tacant a parâ fûr dute la manutenzion. Mecanics formâts par agns, che a cognossevin ogni bulon dal stabiliment, mandâts in pension o demansionâts, par daspò apaltâ dut fûr (Igor Londero, Delit in vie del Lavoro)
Sin. mandâ vie
, parâ vie
, butâ fûr
-
loc.v.
fâ, completâ, rivâ insom, soredut di corse:
«Tu sê lunc come la cassa di Tunissi!» a diseva la zent a cui che a nal si distrigava a parâ four li vori (Novella Cantarutti, Il Crist sclagn)
Sin. argagnâ
, meti dongje
, parâ dongje
, stampanâ
, stampanâ sù
-
loc.v.
frontâ e passâ une dade di timp o une situazion che e met devant di dificoltâts:
i borghesans, poare int, a lavin là sù nome a cirî bêçs cuant che a vevin une disgrazie in cjase o une malatie, cuant che no rivavin a parâ fûr l'Unvier cun chel che a puartavin i gjermaniûi (Pieri Menis, Chei di Muraie)
Sin. puartâ fûr
Components:
-
fûr
av., prep., inter., adi.inv., s.m.sing.
-
parâ
v.tr.
Proverbis:
- un diaul al pare fûr chel altri