mandâ fûr
[AF]
-
loc.v.
fâ che alc o cdn. a ledin vie di un puest sierât o definît:
il plevan i veve dât il vueli sant, done Pine, la femine, e à mandât fûr ducj de cjamare disint: «Lassaitmi di bessole con lui…» (Pieri Menis, Perdon o imbroi?)
-
slontanâ, ancje cun autoritât o cu la fuarce o cun male maniere:
tu fasevis il pipinot intune ostarie di Udin e tu âs rispuindût mâl ai carabinîrs che ti mandavin fûr, e alore lôr ti àn menât dentri (Josef Marchet, Lis predicjis dal muini);
l’argjentin dal Udin i da une sorte di pataf al interist e par chel al ven mandât fûr cul cartelin ros (Marc Stolf, Inter - Udinese 1-0)
Sin. parâ fûr
, butâ fûr
, mandâ vie
-
loc.v.
[TS]
sport
fâ che la bale e ledi fûr dai limits dal cjamp o fûr de puarte:
Widmer al servìs un balon golôs pal cjâf di Perica, che lu mande fûr di un et (Marc Stolf, Roma - Udinese 2-1)
-
loc.v.
produsi une emission di sostancis, impuls, energjie e v.i.:
"[…] mi contentarai dai trê zeis di çuç e scuete che si puartais daûr e che a mandin fûr chel bon odôr" (Luigi Gortani, Il Deu di Cjargne);
la cjase e ardeve come une fornâs, mandant fûr pai barcons e pes puartis, sclopetant, fum, sflamiadis e faliscjis (Pieri Menis, Sflameadis);
la aghe radioative, inietade par vie endovenose, e mande fûr une vore di positrons (Daniela Perani, Neuroimagjins funzionâls e cerviel bilengâl)
Sin. emeti
, spandi
, difondi
, slargjâ
, mandâ
, butâ fûr
, dâ fûr
-
produsi une emission di sun, soredut cu la vôs:
e varès olût zigâ, ma e faseve tante fature sence rivâ mandâ fûr la vôs (Jolanda Mazzon, Di là de rêt)
-
loc.v.
fâ nassi, fâ jessi, fâ sucedi e v.i.:
tignìn su lis mans, / preìn che il futûr / e nol mandi fûr / cualchi altri malan (Pieri Çorut, Il Strolic furlan par l'an 1852)
-
loc.v.
publicâ:
"Chel po che mi racomandi al è di stampâ daurman! … E sin tal mês di Març, el prin di cuaresime, e se si spiete ancjimò si va a finîle che bisugnarà mandà fûr el lunari dal cuarantenûf e no plui chel dal cuarantevot!" (Arturo Feruglio, In cîl e je une stele!…);
al à mandât fûr un decret, lui patriarcje duche, dulà che al proibive ai siôrs di puartâ plui di un ciert numar di botons di aur (Francesc Placerean, Il nestri sant: patriarcje Bertrant)
Cfr. burî fûr
, dâ fûr
Components:
-
fûr
av., prep., inter., adi.inv., s.m.sing.
-
mandâ
v.tr.