Dizionari de Lenghe Furlane

sbrissâ fûr    [CO]

1. loc.v. di cdn., lâ fûr, vignî fûr, soredut svelt o di scuindon o cence imparêsi tant:  i disè butantji la bave su la muse: «Proviti a dî alc, se tu âs voie che ti pari la lenghe pal cuel…» e al sbrissà fûr pe puarte daûr, corint jù pal broili (Pieri Menis, Il testament); Matiute al lavorave cjalant dispès pal barcon, cu la puarte simpri in sfese par sbrissâ fûr se al coventave [scjampâ dai todescs] (Maria Forte, La Madone de Pâs)
   Sin. sbrissâ , sbrissâ vie , smuçâ , svuincâle , svuincâse , mocâse , scjampâ
   
   1. (coloc.) lâ fûr o vignî fûr in gjenerâl:  sant Pieri, che intant a i jere passade la fumate, propit in chel al sbrissave fûr a cjapâ une bocjade di arie (Luigi Gortani, Meni Fari)
2. loc.v. di alc, vignî fûr, soredut dal improvîs:  di un slambri dai nûi neris e sbrissà fûr dal dit al fat une saetade di lûs rosse come il fûc (Pieri Menis, Nadâl ancje par Gjelmin); une lagrime i sbrissà fûr disot dai ceis (Gianni Gregoricchio, Trê feminis)
   Sin. vignî fûr , saltâ fûr

Components:

• fûr av., prep., inter., adi.inv., s.m.sing.
• sbrissâ v.intr.