Dizionari de Lenghe Furlane

butâsi fûr    [CO]

1. loc.v. lâ fûr, soredut cun viamence:  Matie si butà fûr di colp cu la pistole in man berlant, tal mieç de strade (Pieri Menis, Sul agâr)
2. loc.v. fâsi viodi, vê une manifestazion che ducj a viodin:  e je Primevere che si bute fûr cui siei flôrs (Pieri Somede dai Marcs, Mame…)
   Sin. fâsi fûr , pandisi
3. loc.v. deventâ cognossût, cjapâ une posizion impuartante:  i furlans di là, se a vevin un fregul di cjâf e di spirt, a cjatavin la strade viarte par Viene e no ur mancjavin ne lis pussibilitâts di butâsi fûr, ne lis sodisfazions (Josef Marchet, Cuintristorie dal Friûl fin sot la Italie)
4. loc.v. dî a clâr ce che si pense, fâsi sintî a fuart:  e alore al tocje di butâsi fûr, di tacâ a fevelâ a fuart, di fâsi sintî a Rome (Josef Marchet, La ore decisive)
   Sin. fâsi fûr

Components:

• butâsi v.pron.tr., v.pron.intr.
• fûr av., prep., inter., adi.inv., s.m.sing.