Dizionari de Lenghe Furlane

ator  /-òr/  a|tor  [FO]

1. av. intal spazi che al è dongje, in sens gjeneric in cualsisei direzion:  al cjalave ator viers la basse e la mont cun chei voi grîs […] e al dave la so rispueste: da spes al induvinave [ce timp che al varès fat] (Pieri Somede dai Marcs, Spacecjamin); il burlâ bas de pigne come un avon cuiet, si spandeve li ator (Maria Forte, La rive di Sant Pieri)
   Sin. tor ator , intor , dulintor , ator ator , dongje , dacîs , ator vie , daprûf , dapûr
   Var. atorn
   
   1. a pocje distance:  chei che a fumin a varessin di vê rivuart pai adolessents, pes feminis che a spietin un frut e, in gjenar, par ducj chei che ur stan ator (Guglielmo Pitzalis, Stude i spagnolets!)
      Sin. dongje , parmìs , intor , sot , cuintri , dacîs , daprûf , dapûr
   2. tra lis personis che si cjatin plui o mancul dongje:  a mi mi plâs tratâ ben i miei lavorents. O podês domandâ ator (Carlo Sgorlon, Prime di sere); sâstu ce che e va disint ator tô sûr Miriam? (Gianni Gregoricchio, Trê feminis)
2. prep. a pocje distance di, in particolâr cuntun sens di posizion o moviment circolâr, ancje a contat cul cuarp:  spiete che ti spiete ator la taule, e cres cul lâ dal timp la fam (Ivano Urli, Storie di Min); al fâs par butâi i braçs ator il cuel ma jê si schive (Pieri Somede dai Marcs, A la oselade); ator la sô bala dei voi si mostrà come una specie di lagrima (Federigo Comelli, Il me paîs)
   Sin. intor , tor¹ , ator di , intor di , tor di , dacîs , daprûf , dacîs di , daprûf di , dongje , dongje di , dapûr , dapûr di
   
   1. cun sens di impegn intune ativitât:  e lavorave, e tignive cont dai siei fradis e des sôs surutis plui piçulis, e judave sô mari ator il besteam (Catarine Percude, La mulinarie)
3. adi.inv. che al è tal spazi dongje, cence une indicazion definide:  la int e vignive a sintîlu ancje dai paîs ator (Angelo Covazzi, Il cuaresimâl); si smamissin lis vôs di chei che si sgjarnin sù par di Çucje e di Cuie, e a van cjapant pît i avostans pes braidis ator (Meni Ucel, Otavari a Madone)
   Sin. confinant , convicin , vicin , vicinant , dongje , dulintor , daprûf , dapûr
4. av. in cualchi puest no definît, fûr di cjase, par cualchi impegn o ancje a fâ nuie in particolâr:  «E i frutats dulà sonin?» «Ator ancje chei, che a train daûr lôr pari […]» (Meni Ucel, Il cicin); e jere simpri ator come il purcit di Sant Antoni, a cjoli chê robe, a domandâ chê altre (Pieri Menis, La int)
   Sin. fûr , vie , a torzeon , a passon , a spas , intor
5. av., prep. par dâ un valôr indeterminât di timp, spazi, cuantitât:  Zac al dismontà de machine ator dîs e un cuart (Franco Marchetta, Light my Fire)
   Sin. intor , plui o mancul , incirche , cirche , sù par jù , tor¹
6. av., adi.inv. (ancje scherç.) no a puest cu lis facoltâts mentâls, mat:  "Mi crodiel cussì ator? Nol à capît che o scherçavi?..." (Bepo Marion, Il canocjâl de contesse)
   Sin. ator cul cjâf , fûr , fûr cul cjâf , mat

Polirematichis e espressions idiomatichis

• ator ator loc.av., loc.prep., loc.adi.inv.
• ator ator di loc.prep.
• ator di loc.prep.
• ator par loc.prep.
• cjapâ ator loc.v.
• cjoli ator loc.v.
• dâsi lis mans ator loc.v.
• lâ ator loc.v.
• lâ ator cu la cassele loc.v.
• lâ ator cul cjâf loc.v.
• menâ ator loc.v.
• parâ ator loc.v.
• puartâ ator loc.v.
• tor ator loc.av., loc.prep., loc.adi.inv.
• tor ator di loc.prep.
• vê il cjâf ator loc.v.
• zirâ ator loc.v.

Proverbis:

• bisugne dâsi lis mans ator e no spietâ la mane dal cîl