cuintri
/-ìn-/
cuin|tri
[FO]
-
prep.
par esprimi oposizion, ostilitât, contradizion e v.i.:
il so cûr al jere come in belance fra la mari e la sûr e nol veve il coragjo di metisi dal dut ni cuintri la prime ni cuintri l'amì plui cjâr (Maria Forte, Cjase di Dalban);
o soi cuintri ogni violence, e soredut cuintri chê viers i plui debii e cence difese (Cristina Noacco, Faliscjis);
ce disino a Viene de vuere cuintri il Turc? (Alan Brusini, Come tai romançs);
al sintive lis sôs peraulis a sunâ stonât cuintri la logjiche dal ispetôr (Roberto Ongaro, Cretevierte)
Sin. cuintri di
Var. cuintre
, cuntre
-
cun significât di difese, protezion e v.i.:
cjapâ un sirop cuintri la tos;
la none e tirà fûr dal boreç doi tocs di çocje che e distudà te cinise frede: a jerin i stiçs dal nadalin par meti su lis barconetis dal toglât cuintri il pericul dai fulmins (Pieri Menis, Il pignarûl)
Sin. cuintri di
, par
-
prep.
par segnâ une direzion, un moviment, une fuarce e v.i. che si incrose cuntune altre o cun alc:
no si sint nancje il bulicjâ che des voltis e fâs la roie cuintri lis pieris (Franco Marchetta, Madalene)
Sin. cuintri di
-
par segnâ une posizion di contat, ancje cun pression, o di grande vicinance:
un fîl di fier al sigure la robe cuintri il mûr (Alan Brusini, Gian Paolo Linda, I forescj);
di sere si sentavin sul pat, cu la schene cuintri il mûr a cjalâ ducj chei che a passavin (Dino Virgili, La aghe da pît la cleve);
al cjapà sù la pale e i crevà il mani cuintri il zenoli, come se al fos stât un stec (Carlo Sgorlon, Prime di sere)
Sin. sot
, cuintri di
, dongje
, dongje di
, tor1
, tor di
, intor
, intor di
-
prep.
par segnâ une posizion di evidence rispiet a alc che al è tun altri plan o che al à un altri colôr, un altri motîf e v.i.:
une file di pôi cuintri il cîl net di tramontane (Alan Brusini, Par stradis lungjis);
Milie e cjalave la taule preparade, lis plantis verdis e lis rosis metudis un pôc pardut, la mobilie che e lusive cuintri i mûrs smamîts (Pieri Menis, Si disarès che e je inventade)
Sin. cuintri di
, su
-
prep.
in direzion di:
de Cjuie la strade e va jù a plomp cuintri Colorêt e cuasi no si viodile tal mieç dai cocolârs e des agaciis e jenfri lis muraiis altis dai roncs (Riedo Pup, Il Crist di Quilin);
dal clap indulà che il vecju al era usât sentâsi a spetâ, a sclapava four una aga viva che a si era fata strada pal prât e a discjadeva jù cuntra il bosc (Novella Cantarutti, La aga di Plan da li steli)
Sin. cuintri di
, bande
, bande di
, viers
, viers di
, par
, a2
-
av.
in maniere contrarie, oponude, negative e v.i.:
l'incident intal implant sloven al à dât une scjassade al dibatiment politic tra cui che al è a pro dal nucleâr intal stât talian e cui che al è cuintri (Redazion Radio Onde Furlane, Ancje pe ARPA nissune fughe radioative di Krško);
là jù a vevin za cjapade sù int […] e le vevin menade su lis puartis a berghelâur cuintri (Riedo Pup, Il prin moto)
-
s.m.
aspiet negatîf:
in chê gnot al stentà a indurmidîsi; i passavin pe ment ducj i prôs e i cuintris de sô teorie (Roberto Ongaro, Cretevierte)
Sin. discapit
, disvantaç
, ledrôs
, mâl
, trist
Polirematichis e espressions idiomatichis
Proverbis:
- cjaminâ cuintri corint al è come pissâ cuintri vint
- cui che al pisse cuintri vint si bagne lis gjambis
- cuintri la fuarce no vâl reson
- cuintri torints e potents no sta fâ laments