tor1
/-ò-/
tor
[FO]
-
av., prep.
viôt ator
, viôt intor
, al à i stes valôrs di "ator" e "intor", ma nol à valôr di adi.inv. e nol forme verps analitics, al à valôr di averbi dome tant che element di locuzions prepositivis e averbiâls, fûr di chês locuzions al à dome valôr di preposizion:
ducj a tasevin e si ingrumavin tor il fogolâr a gjoldi lis vilotis di Brusin (Riedo Pup, Vigji Brusin);
i plaseve chel zovin elegant, i guants, il golet blanc tor il cuel (Alan Brusini, Come tai romançs);
a àn capît a colp tor ce raze di aministrazion che a jerin lâts a sbati (Riedo Pup, Par paiâ al vûl mistîr);
si fermave fûr dal puarti dai Baltrams, su la strade, cu la schene tor il mûr, lis mans te sachete, une cjiche su la ponte dai lavris (Dino Virgili, La aghe da pît la cleve);
e scugnive lâ a cjase inviade che al jere ce fâ tor bregons, camisolis, peçots (Meni Ucel, Rosaris);
la strie e rive tor sere e par tant che e clami nissun i mole jù la strece (Andreina Nicoloso Ciceri, Blancje come la nêf - Racconti popolari friulani I);
al leve tal jet adore, tor dîs (Antoni Beline, Pre Pitin);
il redit creât des spesis (dome) dal turisim internazionâl, e no metint dentri in cheste stime i valôrs dal indot, al è tor i 860 miliarts di euros (Attilio Celant, Il rûl economic dal turisim in Italie);
al veve amîs par dut il Friûl e, ce plui o ce mancul, ancje tor Udin, Codroip e Mortean (Angelo Covazzi, Al funerâl);
i na ai pinserât via pal dì tor il Cjavelon e Sacrup, dome cuant che al è vignût scûr i ai tacât a tutubâ (Novella Cantarutti, Sacrup)
Polirematichis e espressions idiomatichis