Dizionari de Lenghe Furlane

intor  /-òr/  in|tor  [FO]

1. av., prep., adi.inv. tal spazi dongje, o ancje une vore dongje, cence une direzion definide o un pôc in dutis lis direzions, di dutis lis bandis:  ducj si jerin tirâts intor par sintî lis ultimis novitâts (Franca Mainardis, Un bosc cence colôrs); il fouc a i sgridiliva li gjambi e a i sglonfava i cjaviei intor la musa (Novella Cantarutti, La aga di Plan da li steli); al ardeve sul fogolâr là sù insom un biel fûc, e a jerin intorji une sdrumie di lôr su cjadreis, cjadreons e scagnuts (Meni Ucel, Rosaris); cualchidun za al saveve che tai cjasâi intor si cjatave bon vin (Pieri Menis, La setemane rosse)
   Sin. ator , dongje , parmìs , dapûr , daprûf
   Var. intorn , dintor , dintorn
   Cfr. tor¹ , dulintor , tor ator
2. av., prep. sul cuarp, a contat cul cuarp:  e abadave ai clients cun intor un grumalot grîs (Carlo Sgorlon, Ombris tal infinît); o durmivi cence nuie intor (Gianni Gregoricchio, Trê feminis); une grande manteline nere intorsi (Lucio Perès, Vigji il vuardian); si strenzè la cengle intor i flancs (Tarcisio Venuti, La cjase di Toni)
   Sin. aduès , induès , tor¹ , ator , sù , dapûr , daprûf
   
   1. cuntun sens di posizion o di moviment circolâr:  jê i metè i braçs intor dal cuel e lui le cjapà sù (Roberto Ongaro, Il muc)
      Sin. tor¹ , ator , tor ator
   2. ancje cun sens di moviment violent o contrari:  ploie che nus stravintave intor e nus travanave tant che che o fossin stâts crots (Alan Brusini, I ribei)
      Sin. cuintri
   3. te persone, intindude tes funzions psicofisichis:  cun tante sium inmò intor (Meni Ucel, Messe a straoris); lui al va te cocjete, che al à une strache intor che mai (Gotart Mitri, Da lis bandis di Tarcint); si sintive intor la fiere (Fabian Ros, Un piçul particolâr)
3. av. in cualchi puest no definît, fûr di cjase, par cualchi impegn o ancje a fâ nuie in particolâr:  i cramârs a levin intor a fâ cumierç minût (Adrian Cescje, Liniis di storie sociâl e economiche dal Friûl 1500 - 1800)
   Sin. fûr , vie , a torzeon , a passon , a spas , ator
4. av., prep. par dâ un valôr indeterminât di timp, spazi, cuantitât:  par solit, al tornave a cjase intor miezegnot (Roberto Ongaro, Il muc)
   Sin. ator , plui o mancul , incirche , cirche , sù par jù , tor¹
5. prep. [BF] par introdusi altris complements, tant che argoment o altris, viôt intor di

Polirematichis e espressions idiomatichis

• butâ intor loc.v.
• butâ la crôs intor loc.v.
• butâsi intor loc.v.
• dâsi lis mans intor loc.v.
• fâle intor loc.v.
• fâse intor loc.v.
• intor di loc.prep.
• intor intor loc.av., loc.prep., loc.adi.inv.
• lâ intor loc.v.
• meti i voi intor loc.v.
• meti intor loc.v.
• meti lis mans intor loc.v.
• metisi intor loc.v.
• picjâ intor loc.v.
• saltâ intor loc.v.
• stâ intor loc.v.
• tacâ intor loc.v.
• tirâsi intor loc.v.
• tor intor loc.av., loc.prep., loc.adi.inv.
• tor intor di loc.prep.
• vê i spirts intor loc.v.
• vê il diaul intor loc.v.
• vê intor loc.v.
• zirâ intor loc.v.

Proverbis:

• a spudâ cuintri vint, si spudisi intor
• cuant che il lôf al devente vieli, i cjans i pissin intor
• intor des pignatis si sfrusignisi