Dizionari de Lenghe Furlane

saltâ intor    [CO]

1. loc.v. fâ un moviment svelt, soredut agressîf, inviers di cdn. o di alc, in mût di rivâi a contat o parsore o une vore dongje:  ducj i saltarin intor par dâi e lui si parave il cjâf cu lis mans (Dino Virgili, La aghe da pît la cleve); Bepo di parsore dal desc i saltà intor come une jene e li par tiere, cence une peraule, si son slambrâts la cjamese, si son sgrifignâts e muardûts come cjans (Pieri Menis, Une letare par Bepo)
2. loc.v. (ancje fig., ancje iperb.) compuartâsi in mût agressîf cuintri di cdn., ancje dome a peraulis:  Jacum al jes di corse par viodi la cause di chel mismàs, e il paron dal fen i salte intor: "O vês di paiâmi i dams! Il vuestri mus mi à mangjât di sigûr plui di vincj chilos di fen!" (Angelo Covazzi, Jacum in tribunâl par un piçut di fen)
   Sin. lâ cuintri , fâ cuintri , saltâ sù , dâ cuintri

Components:

• intor av., prep., adi.inv.
• saltâ v.intr., v.tr.