Dizionari de Lenghe Furlane

saltâ sù    [AF]

1. loc.v. lâ sù cuntun salt o cuntun moviment svelt:  viôt che il gjat nol salti sù su la taule
   
   1. metisi dret, in pîts, cuntun moviment svelt:  il gjal mi vise che la albe è vicine; / o salti sù dal jet, / o spalanchi il balcon (Pieri Çorut, Il Strolic mezan. Pronostic par l'an 1854); mi ven voie di gjoldimi un ultin sigaret. O slungji la man, o brinchi il pachet, o sbisighi dentri cul dêt… nuie, finîts. La voie e devente necessitât. O salti sù de poltrone (Francesca Gregoricchio, La dentiere pierdude)
2. loc.v. lâ cuintri cuntun salt o cuntun moviment svelt:  i cjans gji saltin sù e tun colp di man a ti lu sbranin (Dolfo Zorzut, Jacumin e i trê cjans)
   Sin. saltâ intor
3. loc.v. montâ su di une bestie o tun mieç di traspuart:  cu lis medisinis che mi à dât e dôs cuviertis cjoltis ai merecans, assistût di chei altris, o soi rivât ancje jo a saltâ sù su chel tren viers de Italie (Max Mauro, Buchenwald 1944)
4. loc.v. dî a fuart o dal improvîs:  si derin a vogâ a trê rems, fasint fuarce al vint plui che jere pussibil. «Di ce bande zirìn?» saltà sù in chel a dî Jacum (Federigo Comelli, Il me paîs); "Jo, par gno cont" al salte sù un altri "o 'nd ai tancj dai miei intes sfonderis di cjadaldiaul, e tant e tant o me la gjolt l'istès" (Luigi Gortani, La invidiose)
   Sin. dâ fûr , dî , vosâ , dî sù , dâ sù , saltâ fûr
5. loc.v. rabiâsi a colp, reagjî cun rabie o cun indignazion:  «[…] se vûl cussì va ben, e se no, che a si proviodi e che si cjati une miôr di me…». No lu vessio mai dit! mi è saltade sù come un sborf, mi 'nd à ditis une par colôr… (Pieri Somede dai Marcs, Lassait che mi sbrochi!); se al disès - metìn a dî - un Stalin: "Fate la Grande Russie, cumò o pensarìn a fâ i rus" si saltarès sù tant che i madracs cuant che si ur pescje la code. Ma se lu dîs un talian, al è Vanzeli (Josef Marchet, La man e la arme)
   Sin. dâ sù
6. loc.v. soredut di idee, desideri, sensazion e v.i., jessi pensât o sintût:  di Suruvier a i saltà sù al vecju da slungjâ il palaç e al clamà li femini a puartâ cjalcina e savalon par fâ malta (Novella Cantarutti, Paron Salvadi); "Ma ce ti saltie sù?" "Ti daie di volte il cerviel?" (Laurin Zuan Nardin, Vie Vignesie)
   Sin. vignî sù
7. loc.v. vignî fûr tant che risultât, espression e v.i.:  imbastî un centri di riferiment di stamp gnûf che al des rispuestis a chel che al saltave sù de societât (Max Mauro, Un Friûl difarent: i 90 mhz di Onde Furlane)

Components:

• saltâ v.intr., v.tr.
• sù av., inter., s.m.inv., adi.inv.