Dizionari de Lenghe Furlane

cirche  cir|che  [AF]

1. av. in maniere, misure, cuantitât aprossimative:  par comprâ i argagns tecnics e paiâ i prins mês di afit i fondadôrs a vevin tirât fûr di lôr sachete i bêçs che a coventavin, cirche une desene di milions (Max Mauro, Un Friûl difarent: i 90 mhz di Onde Furlane); a temperaduris di cirche 1200 °C il rivistiment in zirconi des sbaris si fressure (Alessandro Pascolini, Il disastri de centrâl nucleâr di Fukushima Dai-ichi); no ducj i studiôs a son dacuardi sul limit cronologjic convenzionâl di considerâ l'inizi dal Paleolitic di Mieç: cualchidun lu fâs scomençâ intal interglaciâl Riss-Würm e altris tal Würm I, vâl a dî scomençant di cirche 100-130 mil agns indaûr (Andrea Pessina, Gaetano Vinciguerra, La preistorie in Friûl)
   Sin. a pressapôc , a voli di nâs , circumcirche , cuasi , plui o mancul , pôc sù pôc jù , sù par jù , un rafant l'altri
   Var. circje