intor di
[FO]
-
loc.prep.
dongje o tacât di, tal spazi fisic o ancje psicologjic:
i bûs a tignivin dûr e intor dal music al fumave il flât (Maria Forte, L'avôt);
dutis chestis cjossis che sucedevin intor di lui, lu jemplavin di ligrie (Zuan Lurinçon, La Madalene)
Sin. tor di
, tor1
, ator di
, ator
, dongje
, dongje di
, cuintri
, cuintri di
-
in particolâr cun sens di circolaritât:
i pein la cuarde intor dal cuel (Luigi Gortani, Il tor di Mueç)
Sin. tor di
, tor1
, ator di
, ator
, tor ator
, tor ator di
, ator ator
, ator ator di
-
cun sens di ostilitât:
intor di lui a jerin saltâts almancul in vot (Gianni Gregoricchio, Îr e doman)
Sin. cuintri
, cuintri di
-
par introdusi un element che al è ogjet di une azion, di une lavorazion:
"Che e spieti, che i doi une man" e le judave intor di un zei, di un sac, di une casse (Dino Virgili, La aghe da pît la cleve);
al lavore rabiôs intor dal falçâr (Pieri Somede dai Marcs, Vilie di Nadâl (teatri))
-
loc.prep.
dongje di un tiermin temporâl, cuntun sens di aprossimazion:
intor dal an 1000, la jurisdizion dal Cont dal Friûl e jere dute semenade di possessions dal Patriarcje (Josef Marchet, Cuintristorie dal Friûl dal 1866 fint in dì di vuê)
-
cun sens di aprossimazion di une cualsisei cuantitât o misure:
la altece che l'inglês si jere butât [cul parecjadudis] e jere intor dai cinccent metris (Roberto Ongaro, Il muc)
-
loc.prep.
par introdusi un complement di argoment:
al è dibant inglagnâ un discors intor dai câs di Linda Passuela (Novella Cantarutti, Linda e il re);
o sin ducj compagns e ducj o vin il dirit di disputâ intor dal vêr (Franco Marchetta, Madalene)
Sin. su
, a rivuart di
, in rivuart di
, in rivuart a
, in riferiment a
, rivuart1
-
loc.prep.
par introdusi un complement di vantaç:
il matrimoni di Mario che al veve volût vê la sô Valerie […] al veve creât un clime di comozion e simpatie intor dai doi zovins (Roberto Ongaro, Il muc)
Sin. in favôr di
, in pro di
, a pro di
, a rivuart di
, in rivuart di
Components:
-
intor
av., prep., adi.inv.