Dizionari de Lenghe Furlane

ator di    [FO]

1. loc.prep. dongje di alc, cuntune direzion o disposizion plui o mancul circolâr o ancje indefinide:  a jerin ducj a cjase, ator dal fogolâr, par dî rosari e par rustî cjastinis (Alviero Negro, Lis animis dal Purgatori); al zirave ator de cjase come che al fos cjoc (Pieri Somede dai Marcs, Resurezion a Pontinie); […] o ai podût cjatâi il cjaveç intune flabe che ai scovât fûr ator di Udin (Luigi Gortani, La invidiose)
   Sin. tor di , tor ator di , ator ator di , tor¹ , ator , ator ator
2. loc.prep. [CO] ancje par introdusi un complement di timp, cun sens di aprossimazion:  Laurinç al jevà ator di un bot (Agnul di Spere, Istât)
   Sin. tor di , tor¹ , ator
3. loc.prep. [CO] ancje par introdusi un complement di argoment:  fats storics che o savìn di sigûr ator di cheste sante Colombe (Francesc Placerean, La vite di chest mont, cence un pôc di spirt, e devente brute e insopuartabile)
   Sin. tor di , tor¹ , su , intor , intor di , in cont di , sul cont di

Components:

• ator av., prep., adi.inv.