Dizionari de Lenghe Furlane

zirâ intor    [CO]

1. loc.v. lâ o passâ dongje o a une cierte distance di alc, cuntun moviment plui o mancul circolâr o cuntun mudament di direzion:  ator la sô bala dei voi si mostrà come una specie di lagrima, che zirà intor chel soreli ros e sut (Federigo Comelli, Il me paîs); eco là un sterp che al obleave la onde a zirâi intor cun cerclis che a smalitavin (Maria Forte, Mabile la Lunghine); zirant intor dal fabricât, a rivarin tun puest che i parons dal lûc a dopravin tant che legnere (Roberto Ongaro, Il muc)
   Sin. zirâ ator
   
   1. movisi plui o mancul dongje e cence une direzion precise o coerente:  nûi che zirin intor sence savê / ne il parcò ne il parcè (Pieri Çorut, Il Strolic furlan par l'an 1852)
2. loc.v. vê une forme o une disposizion che e cjape alc tal mieç e lu contorne:  un fîl di perlis al zirave intor dal cuel e si poiave sul pet (Gianni Gregoricchio, Îr e doman)
   Sin. cenglâ , cercenâ , cori tor ator , lâ tor ator , passâ tor ator , zirâ ator ator , zirâ ator
3. loc.v. cirî di cjapâ contat cun cdn., di otignî alc, di morosâ e v.i.
   Sin. zirâ ator
4. loc.v. jessi atîf intun ciert ambient, vê part intune cierte ativitât
   Sin. zirâ ator
5. loc.v. vê alc tant che argoment principâl, tant che pont centrâl o tant che pont in comun:  in "Achì no ai viodût une pavee" la storie e zire intor di un dissen fat di une frute intal cjamp di concentrament di Terezin (Maurizio Biasizzo, Cronichis di Saveri Sengar)
   Sin. zirâ ator
6. loc.v. frontâ alc in maniere indirete o pierdi timp prime di frontâlu
   Sin. zirâ ator

Components:

• intor av., prep., adi.inv.
• zirâ v.tr., v.intr.