zirâ
zi|râ
[FO]
-
v.tr.
fâ che alc o cdn. si movi cuntun moviment circolâr intor di un so as o di un ciert pont:
uiuauiiiiiii uaiauauaiaiaia e fâs la radio cuant che Checut al zire la manopule (Checo Tam, Beromünster e Monteceneri);
ogni sere so pari prin di lâ a durmî al zirave la clâf (Pieri Menis, Nadâl ancje par Gjelmin);
zirant la manuele la pompe e sfuarçave la aghe a lâ sù (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
v.tr.
indreçâ di une cierte bande o de bande contrarie:
la femine, viodintlu fer sul puint, lu cjalà a penis e lui al zirà il cjâf di une altre bande, tant che no le ves viodude (Roberto Ongaro, Cretevierte);
un ritrat che, a cjalâlu, ti pareve che chel vecjo al jere vîf e che al podeve zirâ i voi viers di te (Cristina Noacco, Faliscjis)
-
v.tr.
(fig.)
cjapâ o presentâ un argoment, un discors e v.i. intune cierte maniere o intune altre maniere:
zirile cemût che tu âs voie, ma a mi mi pâr che tu vedis dibisugne di rivalutâ la tô tassute di pirulis (Stiefin Morat, Kebar krossè)
Sin. voltâ
-
v.tr.
(fig.)
fâ lâ indevant intune cierte maniere:
al à zirât unmoncj di afârs (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
v.tr.
(fig.)
fâ fâ a cdn. chel che si vûl:
al è un pipinot, ducj lu zirin tant che a vuelin
Sin. voltâ
-
v.tr.
lâ ator par un ciert puest, lâ di un puest a chel altri:
là al varès ben burît fûr lui un professôr di Lussarie, sunadôr di violin, che nus varès fat zirâ Vignesie par ogni cjanton (Arturo Feruglio, Viaç a Vignesie);
o pues dî di vê zirât il mont in vite mê! (Josef Marchet, Lis predicjis dal muini);
Sant Martin, prime di deventâ sant, al si jere metût une volte a zirâ il Friûl (Luigi Gortani, Sant Martin)
Sin. visitâ
, viodi
-
v.tr.
(fig.)
fâ vê a cdn. altri alc che si à vût:
pre Checo al veve zirade la letare a pre Antoni Beline, che i rispuindeve cuntun document biel lunc (Adrian Cescje, Memoriis di politiche linguistiche)
Sin. dâ
, passâ
-
v.tr.
[TS]
bancj.
trasferî un assegn o une cambiâl firmantlis:
zirâ un valie (Jacopo Pirona, Vocabolario friulano);
zirâ un assegn
Sin. voltâ
-
v.tr.
[TS]
cinem.
fâ lis ripresis di un film:
tal 1963, Davide Maria Turoldo al zire il film "Gli ultimi" (Angelo Floramo, Cuintristorie dal Nûfcent 1960-1970)
-
v.intr.
movisi sul propri as o ator di alc o cuntun moviment circolâr:
sul fogolâr al zirave un spêt di dordeis o becanots (Alan Brusini, Come tai romançs);
si monte, al sune il campanel, la gjostre e torne a zirâ (Pieri Somede dai Marcs, La cavalarice);
e tirà la cjadenute e un sun al sclopà dentri sec, par disfantâsi vie sofegât tai mûrs, po la puarte e zirà (Maria Forte, La tiere di Lansing)
-
(fig.)
dâ la impression di movisi cuntun moviment circolâr o jessi percepît in chê maniere, ancje par un malstâ, par efiet di alcul, droghis, inzirli e v.i.:
Mirco, tirât in senton, si tignive il cjâf cu lis mans che la cjamare i zirave (Alan Brusini, Par stradis lungjis)
-
lâ ator di alc:
Toni al zirà ator di chê grande struture fin a cjatâ une puartele (Checo Tam, Il palaç)
-
v.intr.
cambiâ direzion:
la strade e va da rive sù, o ziri a zampe pal troi jenfri i pins (Alan Brusini, Gian Paolo Linda, I forescj);
a vivevin cence fâ trop sunsûr sul ôr dal borc fra la strade che e zirave cuintri il puint e la cune dal Ariul (Maria Forte, La aghe dal Ariul)
Sin. butâ
, dâ
, deviâ
, lâ
, pleâ
, sviâ
, svoltâ
, cjapâ
-
v.intr.
lâ ator, ancje cence un puest precîs dulà rivâ:
la Miliute e zirave pe citât, cui voi viscâts des vetrinis (Maria Forte, La tiere di Lansing);
a disin che di un pôc di timp incà al zire di gnot di chestis bandis un omenat dut peçotôs, cu la barbe lungje, che al cîr simpri di scuindisi (Pieri Somede dai Marcs, Resurezion a Pontinie);
al zirà dut il dì sù pai boscs e pai cuei, vaìnt come un frut, devant de sô tiere e dal so cîl (Dino Virgili, La aghe da pît la cleve);
voaltris o savês che fintremai che no sune une cjampane a buinore lis animis dai muarts a zirin te gnot (Pieri Menis, Gno nono)
Sin. lâ ator
, lâ a torzeon
, torzeonâ
-
(fig.)
di pinsîr, idee e v.i., jessi tal cjâf, jessi pensât:
tancj altris pinsîrs i ziravin pal cjâf (Checo Tam, Gjoldiments forescj);
ma viodêt ce raze di pinsîrs che mi zirin pal cerviel! (Gianni Gregoricchio, Trê feminis)
Sin. masanâ
-
(fig., enf.)
ancje in domandis impersonâls, o sotintindint il cjâf, la cocee v.i., par intindi che cdn. al devente mat o al fâs robis cence sintiment:
al ti vignive dongje cun chel aiar di citât e nome dôs peraulis furlanis: «Ti zirie?» fasint cussì cu la man denant la muse (Alan Brusini, I universitaris)
-
v.intr.
frecuentâ:
nol è un câs che li dentri [a Onde Furlane] a zirin musiciscj, pitôrs, atôrs e artiscj di ogni fate (Max Mauro, Un Friûl difarent: i 90 mhz di Onde Furlane);
nol jentre mai tes ostariis, al zire nome pai cantinons, là che a vendin vins padronâi: par chel i disin Agnul Padronâl (Riedo Pup, Filosofie padronâl)
Sin. betâ
-
v.intr.
vê difusion o circolazion:
e zirave la cjacare che lis vevin viodudis [lis aganis] cun lôr a fâ fen in Cleve (Dino Virgili, La aghe da pît la cleve);
e zirave une pueste di scuindon par mans dai corîrs partigjans de brigade Garibaldi (Ivano Urli, Storie di Min);
a tachin a zirâ i finanziaments publics (Sandri Carrozzo, L'Antifurlan)
Sin. lâ ator
, cori
-
esisti, jessi, ancje cuntun sens di indeterminazion dal lûc:
e zire une fotografie dulà che Vera e il Nino si son fats cjapâ mudâts di nuviçs e Vera e à intor il vistît nuviçâl imprestât di mê mari (Ivano Urli, Storie di Vera)
Sin. jessi ator
, jessi1
-
v.intr.
funzionâ, soredut di machinis o mecanisims li che al è un moviment circolâr:
intai prins dal Nûfcent Cortâl al veve cuatri mulins, ma cumò a zirin dome doi (Cristina Noacco, Faliscjis)
Sin. cori
, lâ
-
(fig.)
vê une cierte ande, lâ intune cierte maniere:
se un furlan al va pal mont, al è ancje par viodi cemût che al zire (Cristina Noacco, Faliscjis);
«Ah. E cemût zirino i afârs?» «Graciant Diu, no van mâl!» (Gianluca Franco, Re Ricart in Friûl)
-
(fig.)
ancje di cualsisei robe che e puedi funzionâ:
so nono al jere un maruchin rivât achì di zovin e cul çurviel che al zirave trê voltis plui svelt di chel dai scuâi di chenti (Stiefin Morat, Donald dal Tiliment)
-
v.intr.
dai bêçs, sei in circolazion:
pai trafics dal popul e zirave invezit la lire austriache, clamade ancje lire venite, o lire milanese (Elio Varutti, Il Risorziment a Martignà)
Sin. cori
Polirematichis e espressions idiomatichis
Proverbis:
- a vuelin onzudis lis ruedis par che a zirin
- daspò da la avemarie a zirin lis putanis
- di gnot a zirin i laris e i inamorâts
- di gnot a zirin lis putanis
- il corli plui al devente vieli e miôr al zire
- la ruede no zire se no si le onç