Dizionari de Lenghe Furlane

parmìs  par|mìs  [CO]

1. av., prep. une vore dongje, cun o cence contat, ancje cun sens di compagnie, jutori, contrarietât, ostilitât, direzion e v.i.:  il mio frut, in gracie di altris doi fîs dal boscadôr, al à parât dongje dut chel grum di stielis che e vedês parmìs il mûr (Catarine Percude, La fuiace de Madone); i cjavai, a passâur parmìs [cu la biciclete], si ombrivin (Dino Virgili, La aghe da pît la cleve); none Lise e sarès stade ben contente in chê cjase, cul bosc scuasit parmìs (Maria Forte, Cjase di Dalban); une manie di infatuâts o di esaltâts che si spudin parmìs bave e insolencis (Josef Marchet, Barufis); al traviersà il cjamp e al si invià parmìs lis cjasis, grisis e cidinis (Carlo Sgorlon, Prime di sere)
   Sin. aprûf , dongje , vicin , tacât , daprûf , dacîs , intor , cuintri ipon. , dilunc ipon. , dulinvie ipon. , dilunc vie ipon. , dapûr

Polirematichis e espressions idiomatichis

• saltâ parmìs loc.v.
• saltâsi parmìs loc.v.

Proverbis:

• un piruç frait al fraidès ducj chei che i son parmìs